କେନ୍ଦୁଝର: ସଦର ଥାନା ଅନ୍ତର୍ଗତ ନଈଗାଁରେ ଗଛରେ ଦଉଡି ଦେଇ ବୃଦ୍ଧ ଦମ୍ପତିଙ୍କ ଆତ୍ମହତ୍ୟା । ପାରିବାରିକ କଳହକୁ କେନ୍ଦ୍ର କରି ବୃଦ୍ଧ ଦମ୍ପତି ଆତ୍ମହତ୍ୟା କରିଥିବା ଗାଁ ଲୋକେ କହୁଥିବା ବେଳେ ପୋଲିସ ଏହାକୁ ହତ୍ୟା ବୋଲି ସନ୍ଦେହ କରିଛି ।
ଗଛ ମୂଳରୁ ବୃଦ୍ଧ ଦମ୍ପତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
ମୃତ ଦମ୍ପତି ନଇଗାଁର ମଙ୍ଗଲ ନାଏକ ଓ ଦମୟନ୍ତି ନାଏକ ବୋଲି ଜଣାପଡିଛି । ପୋଲିସର ପ୍ରାଥମିକ ତଦନ୍ତ ଅନୁସାରେ ମଙ୍ଗଳଙ୍କ ତିନି ପୁଅ ଥିବାବେଳେ ସେଥିମଧ୍ୟରୁ ବଡ ପୁଅ ବିବାହ କରିଛି । ଯିଏ କି ସବୁବେଳେ ବୃଦ୍ଧ ଦମ୍ପତିଙ୍କ ସହ ଝଗଡା କରିଥାଏ ।
ତେବେ ଗତ 27 ତାରିଖରେ ବାପା ମାଆ ହାଟରୁ ଫେରି ଗଛରେ ନିଜ ଲୁଗା ଲଗାଇ ଆତ୍ମହତ୍ୟା କରିଥିବା ତାଙ୍କ ବଡ ପୁଅ କହିଛି । ଘଟଣା ସ୍ଥଳରେ ସଦର ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ଅଧିକ ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
