କେନ୍ଦୁଝର: ବୁଦା ମୂଳରୁ ନବଜାତ ଶିଶୁ ପୁତ୍ର ଉଦ୍ଧାର । ଏମିତି ଏକ ଅଭାବନୀୟ ଘଟଣା ଘଟିଛି କେନ୍ଦୁଝର ସହରର ଶିଲୁଆ ଗାଁରେ ।
ବୁଦା ମୂଳରୁ ନବଜାତ ଶିଶୁପୁତ୍ର ଉଦ୍ଧାର
ଆଜି ସକାଳୁ ଶିଲୁଆ ଗାଁ ନିକଟସ୍ଥ ଆମ୍ବ ତୋଟାରେ ଥିବା ଏକ ବୁଦା ମୂଳରୁ ଏକ ଛୋଟ ଛୁଆର କାନ୍ଦ ଶୁଭିଥିଲା । ଶିଲୁଆ ଗାଁ ର କିଛି ଲୋକେ ପ୍ରାତଃ ଭ୍ରମଣ କରୁଥିବାବେଳେ ବୁଦା ମୂଳେ ନବଜାତ ଶିଶୁ ପୁତ୍ରଟି ଏକ ଅଖାରେ ଗୁଡା ହୋଇ ପଡିଥିବା ଦେଖିବାକୁ ପାଇଥିଲେ ।
ଏହାପରେ ସ୍ଥାନୀୟ କିଛି ଯୁବକ ନବଜାତକକୁ ନେଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ବର୍ତ୍ତମାନ ଶିଶୁଟିର ସ୍ବାସ୍ଥ୍ୟ ଅବସ୍ଥା ଭଲ ଥିବା ଜଣାପଡିଛି । ଏନେଇ ଟାଉନ ଥାନା ପୋଲିସ ତଦନ୍ତ କରୁଥିବା ଜଣାପଡିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
