କେନ୍ଦୁଝର: ସାମାନ୍ୟ ବଚସାରୁ ସାଙ୍ଗକୁ ହତ୍ୟା କଲା ସାଙ୍ଗ । କେନ୍ଦୁଝର ଝୁମ୍ପୁରା ଥାନା ଅନ୍ତର୍ଗତ ଦୁର୍ଗାପୁରରେ ଗତ ଶନିବାର ସାମାନ୍ୟ ବଚସାରୁ ସାଙ୍ଗକୁ ଠେଲି ହତ୍ୟା କରିଛି ସାଙ୍ଗ। ମୃତକ ଜଣଙ୍କ ସୁଖଲାଲ ମୁଣ୍ଡା ବୋଲି ଜଣାପଡିଛି ।
ସୁଖଲାଲ ଓ ବିରଞ୍ଚି ଦୁଇ ସାଙ୍ଗ । ତେବେ ଗତ ଶନିବାର ରାତିରେ ଦୁଇ ସାଙ୍ଗ ମିଶି ମଦ୍ୟପାନ କରିଥିଲେ । ଏହା ମଧ୍ୟରେ ଦୁହିଁଙ୍କ ମଧ୍ୟ କୌଣସି କଥାକୁ ନେଇ ଯୁକ୍ତିତର୍କ ହୋଇଥିଲା । ଯାହା ଝଗଡାର ରୂପ ନେଇଥିଲା । ଶେଷରେ ବିରଞ୍ଚି ରାଗିଯାଇ ସୁଖଲାଲକୁ ଠେଲି ଦେଇଥିଲା । ଯାହାଫଳରେ ସୁଖଲାଲର ପଛ ମୁଣ୍ଡରେ ଆଘାତ ଲାଗିବାରୁ ସେଠାରେ ତାଙ୍କର ମୃତ୍ୟୁ ଘଟିଥିଲା।
ଭିଡିଓ ସୌଜନ୍ୟ: ସମ୍ବାଦଦତା, କେନ୍ଦୁଝର
ଏହି ଘଟଣା ପରେ ଖବର ପାଇ ଝୁମ୍ପୁରା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି । ଅନ୍ୟପଟେ ପୋଲିସ ହତ୍ୟାକାରୀ ବିରଞ୍ଚି ମୁଣ୍ଡାକୁ ଗିରଫ କରିଛି।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
