କେନ୍ଦୁଝର: ପୋଖରୀରେ ବୁଡ଼ି ଯୁବକ ମୃତ । କେନ୍ଦୁଝର ଜିଲ୍ଲା ବଡ଼ବିଲରେ ଏହି ଅଭାବନୀୟ ଘଟଣା ଘଟିଛି । ମୃତକ ହେଉଛନ୍ତି ବଡ଼ବିଲ ପୌରାଂଚଳ ୭ନଂ ୱାର୍ଡ଼, ମହାନ୍ତ ବସ୍ତି ତଳସାହିର ସନ୍ଦୀପ ମୁଣ୍ଡା ବୋଲି ଜଣାପଡିଛି ।
ପୋଖରୀରେ ବୁଡ଼ି ଯୁବକ ମୃତ, ମୃତଦେହ ଉଦ୍ଧାର
ସୋମବାର ମହାନ୍ତ ବସ୍ତି ନିକଟରେ ଥିବା ପୋଖରୀକୁ ଗାଧୋଇବାକୁ ଯାଇଥିଲେ ସନ୍ଦୀପ । ତେବେ ଗାଧୋଇବା ସମୟରେ ସେ ଗଭୀରକୁ ଚାଲିଯିବା ଫଳରେ ଆଉ ବାହାରକୁ ବାହାରି ନପାରି ପାଣିରେ ବୁଡ଼ି ଯାଇଥିଲେ । ଏନେଇ ପରିବାର ଲୋକେ ଖବର ପାଇବା ପରେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ କର୍ମଚାରୀ ପହଞ୍ଚିବା ପରେ ସନ୍ଦୀପଙ୍କୁ ପୋଖରୀ ଭିତରୁ ଉଦ୍ଧାର କରାଯାଇଥିଲା, ମାତ୍ର ସେତେବେଳକୁ ତାଙ୍କର ମୃତ୍ୟୁ ଘଟିସାରିଥିଲା । ସୂଚନା ପାଇ ବଡ଼ବିଲ ପୋଲିସ ଏକ ଅପମୃତ୍ୟୁ ମାମଲା ରୁଜ୍ଜୁ କରିବା ସହ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
କେନ୍ଦୁଝରରୁ ସନ୍ତୋଷ କୁମାର ମାହାପାତ୍ର,ଇଟିଭି ଭାରତ
