କେନ୍ଦୁଝର: ଭୟଙ୍କର ଅଗ୍ନିକାଣ୍ଡ । କେନ୍ଦୁଝର ଜିଲ୍ଲା ବଡ଼ବିଲ ସହରରେ ବାଟା ଛକ ନିକଟରେ ଏହି ଅଗ୍ନିକାଣ୍ଡ ଘଟିଛି। ଘଟଣାରେ ୪ଟି ଦୋକାନ ଘର ପୋଡି ଯାଇଛି। ରବିବାର ସକାଳ ସମୟରେ ଏହି ନିଆଁ ଲାଗିଥିଲା ବେଳେ ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି।
ବିଦ୍ୟୁତ ଖୁଣ୍ଟିକୁ ଲାଗି ରହିଥିବା ଏକ ଟାୟାର ରିପ୍ୟାରିଙ୍ଗ ଦୋକାନରେ ପ୍ରଥମେ ନିଆଁ ଲାଗିଥିଲା, ପରେ ଏହି ନିଆଁ ଗୋଟିଏ ପରେ ଗୋଟିଏ ୪ଟି ଦୋକାନକୁ ବ୍ୟାପିଥିଲା।ଟାୟାର ଦୋକାନ, ସାଇକେଲ ଦୋକାନ, ଫୁଲ ଦୋକାନ ଓ ଏକ ସେଲୁନକୁ ଏହି ନିଆଁ ବ୍ୟାପିଯାଇଥିଲା ।
ଖବର ପାଇ ଅଗ୍ନିଶମ ବିଭାଗ ପକ୍ଷରୁ ଦୁଇଟି ଦମକଳ ଦ୍ବାରା ନିଆଁ ଲିଭାଇବାକୁ ଉଦ୍ୟମ କରଯାଇଥିଲା। ତେବେ ଟାୟାର ଦୋକାନ,ସାଇକେଲ ଦୋକାନ ଓ ଫୁଲ ଦୋକାନ ସମ୍ପୂର୍ଣ୍ଣ ପୋଡି ଯାଇଥିବା ବେଳେ ପାଖରେ ଥିବା ଦୋକାନରେ ଆଂଶିକ କ୍ଷୟକ୍ଷତି ହୋଇଛି। ପ୍ରକାଶ ଥାଉକି ସାଇକେଲ ଦୋକାନଟି ଦୀର୍ଘ 50 ବର୍ଷରୁ ଉର୍ଦ୍ଧ୍ଵ ହେବ ଲୋକଙ୍କୁ ସେବା ଯୋଗାଇ ଆସୁଥିଲା ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
