ଆନନ୍ଦପୁର: ଭେଣ୍ତିଆ ପୁଅକୁ ହରାଇବାର ଦୁଃଖ ସିନା ସହି ହେଉନି । ହେଲେ ପୁଅର ଆଖିରେ ଆଉ କିଏ ଜଣେ ଦୁନିଆ ଦେଖିବ । ଏଥିରେ ଟିକେ ଖୁସି ମିଳିବ ବୋଲି ଏଭଳି କୋହଭରା କଣ୍ଠରେ କହିଛନ୍ତି ସାଫଲ୍ଯଙ୍କ ପରିବାର ଲୋକେ ।
ସୂଚନା ଅନୁସାରେ, କେନ୍ଦୁଝର ଜିଲ୍ଲା ଘସିପୁରା ବ୍ଲକ ଗଡବାନ୍ଧଗୋଡା ପଞ୍ଚାୟତ କରଡାମାଳି ଗାଁର ଶିକ୍ଷକ ସମୀର ନାୟକ । ସମୀରଙ୍କ ଏକ ମାତ୍ର ପୁଅ ହେଉଛନ୍ତି ସାଫଲ୍ୟ ନାୟକ । ସେ ଇଞ୍ଜିନିୟର ଭାବେ କାର୍ଯ୍ୟ କରୁଥିଲେ ।
ଶୁକ୍ରବାର ସକାଳୁ ୨୩ ବର୍ଷିୟ ସାଫଲ୍ୟ ନାୟକ ଏକ ସ୍କୁଟିରେ ଯାଉଥିବା ସମୟରେ ଭୁବନେଶ୍ବର ଅନ୍ଧାରୁଆ ନିକଟରେ ପଛପଟୁ ଏକ ଅଜଣା ଗାଡି ଧକ୍କା ଦେଇଥିଲା । ପରେ ସେ ଗୁରୁତର ହୋଇପଡିଥିଲେ । ପରେ ସ୍ଥାନୀୟ ଲୋକ ଆମ୍ବୁଲାନ୍ସ ଯୋଗେ ତାଙ୍କୁ ଭୁବନେଶ୍ବର କ୍ୟାପିଟାଲ ହସ୍ପିଟାଲରେ ଭର୍ତ୍ତି କରିଥିଲେ ।
ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ମୃତ ଯୁବ ଇଞ୍ଜିନିୟର ହେଉଛନ୍ତି ସମୀର ନାୟକଙ୍କ ଏକ ମାତ୍ର ପୁଅ ବୋଲି ଜଣାପଡିଛି। ବାପା ମାଆ ଦୁଇଜଣଙ୍କ ପରାମର୍ଶ କ୍ରମେ ସାଫଲ୍ୟଙ୍କର ଦୁଇ ଚକ୍ଷୁ ଦାନ କରିଥିବା ଜଣାପଡିଛି।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
