ହାତୀ ଉପଦ୍ରବ, ଗାଁରେ ପଶି ଭାଙ୍ଗିଲେ ଘର

ଚମ୍ପୁଆ ବନାଞ୍ଚଳ ଉଖୁଣ୍ଡା ସେକ୍ସନରେ ହାତୀ ଉପଦ୍ରବ ବଢିବାରେ ଲାଗିଛି । ଗାଁରେ ପଶି ଭାଙ୍ଗିଲେ ଘର । ଅଧିକ ପଢନ୍ତୁ...

କେନ୍ଦୁଝର: ଚମ୍ପୁଆ ବନାଞ୍ଚଳ ଉଖୁଣ୍ଡା ସେକ୍ସନରେ ହାତୀ ଉପଦ୍ରବ ବଢିବାରେ ଲାଗିଛି । ଶୁକ୍ରବାର 17ଟି ହାତୀ ମୟୂରଭଞ୍ଜ ଜିଲ୍ଲାରୁ ଆସି ଚମ୍ପୁଆ ବନାଞ୍ଚଳରେ ରହି ଚାଷ ହୋଇ ଥିବା ଧାନ ଓ ପନିପରିବା ଖାଇ ନଷ୍ଟ କରି ଆସୁଥିଲେ। ହେଲେ ଶନିବାର ଚମ୍ପୁଆରୁ ହାତୀ ପଲ ଆସି ଚନ୍ଦ୍ରଶେଖରପୁର ପଞ୍ଚାୟତର ଲକ୍ଷ୍ମୀପଶି ଗାଁରେ ପଶିଥିଲେ ।

ଗାଁର ଲେବି ମୁଣ୍ଡା ଓ ରମାଇ ମୁଣ୍ଡାଙ୍କ ଘର ଭାଙ୍ଗି ଧନ ଚାଉଳ ଖାଇଯିବା ସହ ବ୍ୟାପକ କ୍ଷୟକ୍ଷତି ଘଟାଇଛନ୍ତି । ଖବର ପାଇ ବନବିଭାଗ କର୍ମଚାରୀ ଗାଁରେ ପହଞ୍ଚି ହାତୀଙ୍କୁ ନିକଟସ୍ଥ ଗିଧିବାସ ଜଙ୍ଗଲକୁ ଘଉଡ଼ାଇ ଦେଇଥିବା ସୂଚନା ମିଳିଛି ।

କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ