କେନ୍ଦୁଝର: ସଦର ଥାନା ଅନ୍ତର୍ଗତ ମଇଦାନକେଲ ଗାଁ ପୋଖରୀରୁ ମୋଟର ସାଇକେଲ ସହ ଆରୋହୀଙ୍କର ମୃତଦେହ ଉଦ୍ଧାର ହୋଇଛି । ମୃତକ ହେଲେ ମଇଦାନକେଲ ଗାଁର ଭରତ ମହାନ୍ତ । ଗତକାଲି (ଶୁକ୍ରବାର) ରାତିରେ ମୋଟର ସାଇକେଲରେ ସେ ନିଜ ଘରକୁ ଫେରୁଥିବା ସମୟରେ ଭାରସାମ୍ୟ ହରାଇ ପୋଖରିରେ ପଡି ମୃତ୍ୟୁ ହୋଇଥିବା ସନ୍ଦେହ କରାଯାଉଛି ।
ପୋଖରୀରୁ ବାଇକ ସହ ମୃତ ଦେହ ଉଦ୍ଧାର, ତଦନ୍ତ ଜାରି
ଶନିବାର ସକାଳୁ ଗାଁ ଲୋକେ ମୃତଦେହ ଭାସୁଥିବା ଦେଖି ଅଗ୍ନୀଶମ ବାହିନୀକୁ ଖବର ଦେଇଥିଲେ । ଘଟଣା ସ୍ଥଳରୁ ଅଗ୍ନିଶମ ବାହିନୀ ମୃତଦେହ ଉଦ୍ଧାର କଲା ପରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୃତଦେହକୁ ତଦନ୍ତ ପାଇଁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଇ ଦିଆଯାଇଥିବା ବେଳେ ତଦନ୍ତ ପରେ ମୃତ୍ୟୁର କାରଣ ଜଣାପଡିବ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
