କେନ୍ଦୁଝର: ସାରା ଦେଶରେ ୫୦ତମ ଜାତୀୟ ସୁରକ୍ଷା ଦିବସ ପାଳିତ ହେଉଛି । ଏହି ଅବସରରେ କେନ୍ଦୁଝର ସହରରେ ଏକ ସାଇକେଲ ଶୋଭାଯାତ୍ରା ଅନୁଷ୍ଠିତ ହୋଇଛି । ଏମଏସପି ଗ୍ରୁପ ପକ୍ଷରୁ ଏହି ଦିବସ ପାଳନ ଅବସରରେ ସହରରେ ଏକ ସାଇକେଲ ଶୋଭାଯାତ୍ରା କରାଯାଇଥିଲା ।
ଜାତୀୟ ସୁରକ୍ଷା ଦିବସର ସଚେତନତା ପାଇଁ ସାଇକେଲ ଶୋଭାଯାତ୍ରା
ଲୋକଙ୍କ ମଧ୍ୟରେ ପରିବେଶ ସୁରକ୍ଷା, ସୁରକ୍ଷା ନିୟମ ପାଳନ କରି ଗାଡି ଚଳାଇବା ଆଦି ବାର୍ତ୍ତା ଦେଇ ଶତାଧିକ ସାଇକେଲ ଆରୋହି ଏହି ଶୋଭାଯାତ୍ରାରେ ସାମିଲ ହୋଇଥିଲେ । କାର୍ଯ୍ୟକ୍ରମକୁ ଏମଏସପି ଗ୍ରୁପର ସଭାପତି ଦେଵବ୍ରତ ସ୍ବାଇଁ ପରିଚାଳନା କରିଥିବା ବେଳେ ଡିଏସପି ସୁରେଶ ପାତ୍ର ପତକା ଦେଖାଇ ସାଇକେଲ ଶୋଭାଯାତ୍ରାକୁ ଶୁଭାରମ୍ଭ କରିଥିଲେ ।
ସ୍ଥାନୀୟ ଲାବଣ୍ୟ ଛକ ଠାରୁ ଆରମ୍ଭ ହୋଇ ଏହି ସାଇକେଲ ଶୋଭାଯାତ୍ରା ସହର ପରିକ୍ରମା କରିଥିଲା । ଆଗାମୀ ଦିନରେ ଏମଏସପି ଗ୍ରୁପ ପକ୍ଷରୁ ଏଭଳି ସଚେତନତା ଅଭିଯାନ ଜାରି ରହିବ ବୋଲି ସଭାପତି ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
