ଆନନ୍ଦପୁର: ବ୍ୟାଙ୍କ କାଉଣ୍ଟର ଆଗରେ ଘଣ୍ଟା ଘଣ୍ଟା ଧରି ଭିଡ଼ ଜମାଉଛନ୍ତି ଗ୍ରାହକ । ମାନୁ ନାହାନ୍ତି ସାମାଜିକ ଦୂରତା । କେନ୍ଦୁଝର ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢ଼ି ଚାଲିଥିବା ବେଳେ ଚେତୁ ନାହାଁନ୍ତି ଲୋକେ । ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୨୦ ଛୁଇଁଥିବା ବେଳେ ଆନନ୍ଦପୁର ଉପଖଣ୍ଡରେ କେବଳ ଅଧାରୁ ଅଧିକ ରହିଛନ୍ତି ।
ଆନନ୍ଦପୁର କରୋନା ଅପଡେଟ
ହେଲେ ଘସିପୁରା ବ୍ଳକ କେଶଦୁରାପାଳ ଘରୋଇ ବ୍ୟାଙ୍କରେ କୋରୋନା ସଚେତନତା ସତେ ଯେପରି କିଛି ନାହିଁ । ସାମାଜିକ ଦୂରତାକୁ ଖାତିର ନ କରି ବ୍ୟାଙ୍କ କାଉଣ୍ଟର ସମ୍ମୁଖରେ ଗହଳି ଲଗାଇ ବହୁ ସମୟ ଧରି ଠିଆ ହେଉଛନ୍ତି ଗ୍ରାହକ । ଏଥିପ୍ରତି ବ୍ୟାଙ୍କ କର୍ତ୍ତୃପକ୍ଷଙ୍କ ନଜର ରଖୁନାହାନ୍ତି ।
ଆନନ୍ଦପୁରରୁ ସୃତି ରଞ୍ଜନ ବିହାରୀ, ଇଟିଭି ଭାରତ
