କେନ୍ଦୁଝର: ପୁଣି ଦଲାଲି ଅଭିଯୋଗରେ ଜଣକୁ ଗିରଫ କରିଛି ବଡ଼ବିଲ ପୋଲିସ । ଅଭିଯୁକ୍ତ ହେଉଛନ୍ତି ଖୋଦ ବଡ଼ବିଲ ଆଞ୍ଚଳିକ ପରିବହନ ବିଭାଗର ଏଆରଟିଓଙ୍କ ଡ୍ରାଇଭର ଜଗବନ୍ଧୁ ପାତ୍ର ।
ଭିଡିଓ ସୌଜନ୍ୟ : ସମ୍ବାଦଦାତା,କେନ୍ଦୁଝର
ଗତ ସେପ୍ଟେମ୍ବର ମାସରେ ଅଭିଯୋଗକ୍ରମେ ବଡ଼ବିଲ ପୋଲିସ ଦୁଇ ଜଣ ଦଲାଲଙ୍କୁ ବଡ଼ବିଲ ଏଆରଟିଓ କାର୍ଯ୍ୟାଳୟରୁ ଗିରଫ କରି ପଚୁରାଉଚୁରା କରିବା ପରେ ଖୋଦ ବଡ଼ବିଲ ଏଆରଟିଓଙ୍କ ଡ୍ରାଇଭର ଜଗବନ୍ଧୁ ଏହି ଦଲାଲି କାର୍ଯ୍ୟରେ ସାମିଲ ଥିବା ନେଇ ଖୁଲାସା ହୋଇଥିଲା । ତାଙ୍କ ଠାରୁ ବଡ଼ବିଲ ପୁଲିସ ୨ଟି ଲାଇସେନ୍ସର କାଗଜ ପତ୍ର ଓ ଗୋଟିଏ ମୋବାଇଲ ଫୋନ ଜବତ କରିଛି । ଏହି ତଥ୍ୟକୁ ଆଧାର କରି ବଡ଼ବିଲ ପୁଲିସ ଜଗବନ୍ଧୁ ପାତ୍ରକୁ ଗିରଫ କରି କୋର୍ଟଚାଲାଣ କରିଛି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
