କେନ୍ଦୁଝର: ଦିନକୁ ଦିନ ଚାଷୀଙ୍କ ଧାନ ବିକ୍ରି ସମସ୍ୟା ବଢ଼ିବାରେ ଲାଗିଛି । କେଉଁଠି ଲ୍ୟାମ୍ପସରେ ଧାନ କିଣାକୁ ନେଇ ଦୁର୍ନୀତି ଅଭିଯୋଗ ହେଲାଣି ତ କେଉଁଠି ଧାନ ବିକ୍ରି ହେଇପାରୁନାହିଁ ।
ଧାନ ବିକ୍ରି ନେଇ ସମସ୍ୟା, ଲ୍ୟାମ୍ପରେ ତାଲା ପକାଇଲେ ଚାଷୀ
ଏନେଇ ଶନିବାର କେନ୍ଦୁଝର ସଦର ଲ୍ୟାମ୍ପସରେ ଧାନ କିଣାରେ ଅନିୟମିତତାକୁ ନେଇ ତାଲା ପକାଇଛନ୍ତି ଶତାଧିକ ଚାଷୀ । ଧାନ ବିକ୍ରି ପାଇଁ ମୋବାଇଲକୁ ମେସେଜ ଆସିବା ସ୍ବତ୍ତେ ଲ୍ୟାମ୍ପସରେ ଧାନ କିଣା ଟାର୍ଗେଟ ସାରିଯାଇଥିବା କହି ଚାଷୀଙ୍କୁ ଫେରାଇବା ଅଭିଯୋଗ ହୋଇଛି । ଧାନ ବିକଲେ ପରିବାର ଚଳିବ ନହେଲେ ବହୁ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି ଚାଷୀ ।
ଫଳରେ ଲ୍ୟାମ୍ପସରେ ତାଲା ପକାଇବା ସହ କିଛି ସମୟ ଲ୍ୟାମ୍ପସ ଅଧିକାରୀଙ୍କୁ ଚାଷୀ ଅଟକ ରଖିଥିଲେ । ଏନେଇ ଲ୍ୟାମ୍ପସ ଅଧିକାରୀଙ୍କୁ ପାଚରିବାରୁ ମାସେ ଟାର୍ଗେଟ ସରିଯାଇଛି । ଆଉ ଥରେ ଟାର୍ଗେଟ ଆସିଲେ ଧାନ କିଣା ହେବ ବୋଲି ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
