କେନ୍ଦୁଝର: ଜାନୁଆରୀ 7 ସୁଦ୍ଧା ଖୋଲିବ ଜିଲ୍ଲାର ସମସ୍ତ ଧର୍ମାନୁଷ୍ଠାନ । ଏହାସହ ଜିଲ୍ଲାର ପ୍ରସିଦ୍ଧ ଶକ୍ତି ପୀଠ ଘଟଗାଁ ତାରିଣୀ ମନ୍ଦିର ଜାନୁଆରୀ 18 ସୁଦ୍ଧା ଖୋଲିବ । ଦୀର୍ଘଦିନର ବ୍ୟବଧାନ ପରେ ଜାନୁଆରୀ 7ରେ ମା' ତାରିଣୀଙ୍କ ମନ୍ଦିରକୁ ଛାଡି ଜିଲ୍ଲାର ଅନ୍ୟ ସବୁ ଧର୍ମାନୁଷ୍ଠାନ ଖୋଲିବା ପାଇଁ ଜିଲ୍ଲାପାଳ ପ୍ରକାଶ କରିଛନ୍ତି । ଏହାସହ ଜାନୁଆରୀ 18 ସୁଦ୍ଧା ପ୍ରସିଦ୍ଧ ଘଟଗାଁ ମା' ତାରିଣୀଙ୍କ ମନ୍ଦିର ଖୋଲିବା ନେଇ ଏକ ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି କେନ୍ଦୁଝର ଜିଲ୍ଲାପାଳ ।
18 ତାରିଖ ସୁଦ୍ଧା ଘଟଗାଁ ମନ୍ଦିର ମଧ୍ୟରେ ସମସ୍ତ ସୌନ୍ଦର୍ଯ୍ୟକରଣ କାର୍ଯ୍ୟ ସମ୍ପାଦନ କରିବା ପାଇଁ ମନ୍ଦିର ପ୍ରଶାସନକୁ ଜଣାଯାଇଥିବା ଜିଲ୍ଲାପାଳ ପ୍ରକାଶ କରିଛନ୍ତି । ଜାନୁଆରୀ ଗାଇଡ଼ଲାଇନ ଅନୁଯାୟୀ, ସିନେମା ହଲ ଓ ଘରୋଇ ମେଳା ଖୋଲାଯାଇ ପାରିବ । ଏଥିପାଇଁ ସମସ୍ତ ଧର୍ମାନୁଷ୍ଠାନ ଓ ସଂସ୍ଥା ସମସ୍ତ ନିୟମ ପାଳନ ସହ ଭକ୍ତ ଓ ଦର୍ଶକଙ୍କ ନିମନ୍ତେ ସାନିଟାଇଜର ବ୍ୟବସ୍ଥା କରିବା ସହ କୋଭିଡ୍ ନିୟମ ପାଳନ କରିବାକୁ ଜିଲ୍ଲାପାଳ ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
