କେନ୍ଦ୍ରାପଡ଼ା: କଡା ବିରୋଧର ସାମ୍ନା ହେଉଛନ୍ତି ଶାସକ ଦଳର ବିଧାୟକ । କେନ୍ଦ୍ରାପଡ଼ା ଜିଲ୍ଲାରେ ପ୍ରଥମେ ପାଟକୁରା ବିଧାୟିକା ସାବିତ୍ରୀ ଅଗ୍ରୱାଲଙ୍କୁ ବିରୋଧର ସମ୍ମୁଖୀନ ହେବା ପରେ ଆଜି(ମଙ୍ଗଳବାର) କେନ୍ଦ୍ରାପଡ଼ା ବିଧାୟକ ଶଶୀଭୂଷଣ ବେହେରାଙ୍କୁ ପ୍ରଚାର ସମୟରେ ଭୋଟରଙ୍କ ବିରୋଧ । କେନ୍ଦ୍ରାପଡ଼ା ୫ ନଂ ଜୋନ ଘାଗରାରେ ଜିଲ୍ଲା ପରିଷଦ ପ୍ରାର୍ଥୀନୀଙ୍କ ପାଇଁ ପ୍ରଚାର କରିବାକୁ ଯିବା ସମୟରେ ବିରୋଧର ଶିକାର ହୋଇଛନ୍ତି ଶଶୀଭୂଷଣ ଓ ତାଙ୍କ ସମର୍ଥକ ।
ପାଟକୁରା ପରେ କେନ୍ଦ୍ରାପଡ଼ା ବିଧାୟକଙ୍କୁ ବିରୋଧ
କିଛି ଦଳୀୟ ଅସନ୍ତୁଷ୍ଟ କର୍ମୀ ଓ ଭୋଟର ସେମାନଙ୍କୁ ବିରୋଧ କରିଛନ୍ତି । ସୂଚନା ଅନୁଯାୟୀ, ଉକ୍ତ ପଞ୍ଚାୟତରେ ୨ ଜଣ ସରପଞ୍ଚ ପ୍ରାର୍ଥୀ ହୋଇ ଥିବାବେଳେ ଜଣେ ପ୍ରାର୍ଥୀ ବିଧାୟକଙ୍କ ଫଟୋ ସହ ବିଜେଡି ସମର୍ଥକ ଭାବେ ପ୍ରଚାର କରୁଛନ୍ତି, ଯେଉଁଥିରେ କି ବିଧାୟକ ଶଶୀଭୂଷଣ ନିରବ ସମର୍ଥନ ଜଣାଇ ଆସୁଛନ୍ତି । ଏନେଇ ପ୍ରଚାର ସମୟରେ ବିଧାୟକଙ୍କୁ କଡା ବିରୋଧ କରାଯାଇଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
