କେନ୍ଦ୍ରାପଡା: ବଜ୍ରାଘାତରେ କୁକୁଡା ଫାର୍ମ ସହ 4 ବଖରା ଘର ଭସ୍ମୀଭୂତ ହୋଇଛି । ଏହି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକ କୁରୁଣ୍ଟି ଗାଁରେ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦ୍ରାପଡା
ସୂଚନା ଅନୁଯାୟୀ, ବୁଧବାର ଅପରାହ୍ନରେ ରାଜନଗର ଅଞ୍ଚଳରେ କୁଆପଥର ବର୍ଷା ସହ କାଳବୈଶାଖୀ ହୋଇଥିଲା । ତେବେ ଏହି ବଜ୍ରାଘାତରେ ଘଟି କୁରୁଣ୍ଟି ଗାଁର ଶିଶିର ପରିଡାଙ୍କ କୁକୁଡା ଫାର୍ମ ସମ୍ପୂର୍ଣ୍ଣ ରୂପେ ଜଳିଯାଇଛି । ତେବେ ଏହି ବଜ୍ରାଘାତ ଦ୍ୱାରା ଶିଶିରଙ୍କ କୁକୁଡା ଫାର୍ମ ଅନ୍ୟ ୩ ବଖରା ଘର ଭସ୍ମୀଭୂତ ହୋଇଛି ।
ଏଥିରେ ଶିଶିରଙ୍କର ଗୋଟିଏ କୁକୁଡା ଫାର୍ମ ଓ ନଗଦ 22ହଜାର ଟଙ୍କା, 2000ଟି କୁକୁଡା, ଧାନ, ଚାଉଳ ସମେତ ବହୁ ମୂଲ୍ୟବାନ ଜିନିଷ କ୍ଷତି ହୋଇଥିବା ସୂଚନା ମିଳିଛି । ତେବେ ଖବର ପାଇ ଘଟଣାସ୍ଥଳରେ ରାଜନଗର ଅଗ୍ନିଶମ ବାହିନୀ ପହଁଞ୍ଚି ନିଆଁକୁ ଆୟତ କରିଥିଲେ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
