କେନ୍ଦ୍ରାପଡା: ସ୍ଥାନୀୟ ମାର୍ଶାଘାଇ ଥାନା ଅଧିନ କଳାଗଡ ଗାଁରେ ଜମିବାଡି ବିବାଦକୁ ନେଇ ଦୁଇ ପରିବାର ମୁହାଁମୁହିଁ ହୋଇଛନ୍ତି । ଏହି ଗଣ୍ଡଗୋଳରେ ଉଭୟ ପକ୍ଷରୁ 2 ଜଣ ଗୁରୁତର ଓ 4 ଜଣ ଆହତ ହୋଇ କେନ୍ଦ୍ରାପଡା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି।
ଜମି ବିବାଦକୁ ନେଇ ଦୁଇ ପରିବାର ମୁହାଁମୁହିଁ, 2 ଗୁରୁତର
ସୂଚନା ଅନୁଯାୟୀ କଳାଗଡ ଗାଁର ଅରକ୍ଷିତ ମଲ୍ଲିକ ନିଜର ନୂଆ ଘର ନିର୍ମାଣ ଆରମ୍ଭ କରିବା ସମୟରେ ପୂର୍ବରୁ ପଡୋଶୀଙ୍କ ସହିତ ଜମିବାଡି ବିବାଦ ଥିବାରୁ ତାଙ୍କ ପରିବାର ସଦସ୍ୟମାନଙ୍କୁ ପଡୋଶୀ ମରଣାନ୍ତକ ଆକ୍ରମଣ କରିଥିଲେ । ଏନେଇ ମାର୍ଶାଘାଇ ଥାନାରେ ଅଭିଯୋଗ କରିଥିଲେ ଅରକ୍ଷିତ।
ତେବେ ଉଭୟଙ୍କ ମଧ୍ୟରେ ଜମିକୁ ନେଇ ମାରପିଟ ହେବାରୁ କୁସୁମ ମଲ୍ଲିକ ଓ ଲତା ମଲ୍ଲିକ ଗୁରୁତର ହୋଇ କେନ୍ଦ୍ରାପଡା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
