କେନ୍ଦ୍ରାପଡ଼ା: ପୁଣି ଉଦ୍ଧାର ହେଲା ସନ୍ଦେହଜନକ ପାରା । ପାରା ଗୋଡ଼ରେ ଲାଗିଛି ଏକ ମୁଦିଆ, ସେହି ମୁଦିଆରେ କିଛି ଲେଖା ହୋଇଥିବାର ମଧ୍ୟ ଦେଖାଯାଉଛି ।
ଚିଠି ଆଣିଛି ପାରା
କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ଥାନା ଦଶିପୁର ଗ୍ରାମକୁ ଏକ ପାରା ଉଡ଼ି ଆସିଛି । ପାରା ଗୋଡ଼ରେ ଲାଗିଥିବା ମୁଦିଆରେ ଇଂରାଜୀ ଭାଷାରେ ଭିଏଚପିଏ ଭାଇଜାଗ 1974 2021 ଲେଖାହୋଇଛି l ଯାହାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଚାଲିଛି l ପାରାଟି କେଉଁଠୁ ଆସିଲା ଓ ତାର ଗୋଡ଼ରେ ଲାଗିଥିବା ମୁଦିଆରେ ଯାହା ସବୁ ଲେଖା ହୋଇଛି ତାର ଅର୍ଥ କଣ ସେନେଇ ଲୋକଙ୍କ ମନରେ ଆଶଙ୍କା ଓ ଆତଙ୍କ ସୃଷ୍ଟି ହୋଇଛି l
ସେହି ଗ୍ରାମର ଜୀବନ ମାଝୀ ନାମକ ଜଣେ ବ୍ୟକ୍ତି ଏହି ପାରାଟିକୁ ଧରି ନିଜ ପାଖରେ ରଖିଛନ୍ତି l ତେବେ ଏ ସମ୍ପର୍କରେ ଅଧିକ ଅନୁସନ୍ଧାନ କରାଗଲେ ବାସ୍ତବ କଥା ପଦାକୁ ଆସିପାରିବ ବୋଲି ସ୍ଥାନିୟ ବାସିନ୍ଦା କହିଛନ୍ତି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି,ଇଟିଭି ଭାରତ
