କେନ୍ଦ୍ରାପଡା: ସିଏ ମୀରାବାଇ.. ପୁଣି ସିଏ ରାଧାରାଣୀ । ଜନ୍ମାଷ୍ଟମୀ ଅବସରରେ ଓଡ଼ିଆ ଚିତ୍ରଶିଳ୍ପୀ ପ୍ରିୟଙ୍କା ସାହାଣୀଙ୍କ ନିଆରା ଫେସ୍ ଆର୍ଟ । ମୁହଁର ଉପର ଭାଗକୁ ମୀରାବାଇ, ମଧ୍ୟଭାଗକୁ ଶ୍ରୀକୃଷ୍ଣ ଓ ତଳ ଭାଗକୁ ରାଧାଙ୍କ ଭଳି ଆଙ୍କିଛନ୍ତି ପ୍ରିୟଙ୍କା । ଯାହାକି ଏବେ ସାରା ସାମାଜିକ ଗଣମାଧ୍ୟମରେ ଛାଇ ହୋଇଯାଇଛି ।
ପ୍ରିୟଙ୍କାଙ୍କ ଘର କେନ୍ଦ୍ରାପଡ଼ା ଜିଲ୍ଲାରେ ହୋଇଥିବା ବେଳେ ସେ ବେଙ୍ଗାଲୁରୁର ଏକ କମ୍ପାନୀରେ କାମ କରନ୍ତି । ପବିତ୍ର ଜନ୍ମାଷ୍ଟମୀ ଅବସରରେ ପ୍ରିୟଙ୍କା ନିଜର ଏଭଳି ଅନନ୍ୟ କଳାକୃତି ସୋସିଆଲ ମିଡିଆରେ ମନମୋହୁଛି । ପ୍ରିୟଙ୍କା ଅନ୍ତରାଷ୍ଟ୍ରୀୟ ମହିଳା ଦିବସ, ବିଭିନ୍ନ ପର୍ବପର୍ବାଣିରେ ମଧ୍ୟ ଶରୀରରେ ଏଭଳି ଆର୍ଟ କରି ପ୍ରଶଂସା ସାଉଁଟିଛନ୍ତି ।
ଏହାପୂର୍ବରୁ ବିଶିଷ୍ଟ ଯୁବ ଚିତ୍ରଶିଳ୍ପୀ ପ୍ରିୟଙ୍କା ସାହାଣୀ ଅଲମ୍ପିକରେ ମନୋବଳ ବଢାଇବା ପାଇଁ ଏକ ଷ୍ଟିଲ ଥାଳିରେ ଓଡ଼ିଶାର ଖେଳାଳୀଙ୍କ ଏକ ସୁନ୍ଦର କଳାକୃତି ତିଆରି କରିଥିଲେ ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
