କେନ୍ଦ୍ରାପଡା: ଦଳ ବିରୋଧୀ କାର୍ଯ୍ୟ ଅଭିଯୋଗରେ BJD ରୁ ନିଲମ୍ବିତ ହେଲେ ଯୁଗ୍ମ ସମ୍ପାଦକ ରାଜେଶ ପଣ୍ଡା । ରାଜେଶଙ୍କ ନିଲମ୍ବନ ନେଇ କେନ୍ଦ୍ରାପଡ଼ା ଜିଲ୍ଲା ବିଜୁ ଜନତା ଦଳର ସଭାପତି ଉତ୍କଳ କେଶରୀ ପରିଡା ଏକ ପ୍ରେସ ବିବୃତିରେ ସ୍ପଷ୍ଟ କରିଛନ୍ତି ।
ତେବେ ରାଜେଶ ଦୀର୍ଘଦିନ ଧରି ଦଳ ସହିତ କାମ କରି ଆସୁଥିବାବେଳେ ମହାକାଳପଡ଼ା ବିଧାୟକଙ୍କ ଏକଦା ଅନୁଗତ ଥିଲେ । ଛାତ୍ର ଜୀବନରୁ ରାଜନୀତି ଆରମ୍ଭ କରିଥିବା ରାଜେଶ ଦଳର ବିଭିନ୍ନ ସମୟରେ ଦାୟିତ୍ୱ ତୁଲାଉଥିଲେ । ବିଜୁ ଯୁବ ଜନତା ଦଳର କେନ୍ଦ୍ରାପଡ଼ା ଜିଲ୍ଲା ସଭାପତି ରହି ଆସିଥିବା ରାଜେଶଙ୍କ ଏଭଳି ନିଲମ୍ବନ ନେଇ ରାଜନୈତିକ ହଟଚମଟ ସୃଷ୍ଟି ହୋଇଛି ।
ଏହା ମଧ୍ୟ ପଢନ୍ତୁ:- ସ୍ବାଧୀନ ଜିଲ୍ଲା ପରିଷଦ ପ୍ରାର୍ଥୀଙ୍କୁ ହତ୍ୟା ଧମକ !
ଅନ୍ୟପଟେ ରାଜେଶଙ୍କୁ ପଚାରାଯିବାରୁ ସେ ଦଳରେ ଥିଲେ, ଅଛନ୍ତି ଓ ଆଗକୁ ମଧ୍ୟ ଦଳର ଜଣେ ଶୃଙ୍ଖଳିତ କର୍ମୀ ଭାବେ କାର୍ଯ୍ୟ କରିବେ ବୋଲି କହିବା ସହ ନିଲମ୍ବନ ନେଇ ତାଙ୍କ ପାଖରେ କୌଣସି ସୂଚନା ନଥିବା କହିଛନ୍ତି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
