କେନ୍ଦ୍ରାପଡ଼ା: ନଦୀରୁ ଉଦ୍ଧାର ହେଲା ଗଳିତ ମୃତଦେହ । କେନ୍ଦ୍ରାପଡ଼ା ମହାକାଳପଡ଼ା ଥାନା ବାଙ୍କିଛନ୍ଦା ଗାଁ ନିକଟ ଗୋବରୀ ନଦୀରେ ଶନିବାର ଏକ ମୃତଦେହ ଭାସୁଥିବା ଗାଁ ଲୋକମାନେ ଦେଖିବାକୁ ପାଇଥିଲେ । ଏନେଇ ପୋଲିସକୁ ଖବର ଦେବା ପରେ ମହାକାଳପଡ଼ା ପୋଲିସ ଏବଂ ଅଗ୍ନିଶମ ବିଭାଗ କର୍ମଚାରୀମାନେ ଆସି ମୃତଦେହକୁ ନଦୀରୁ ଉଦ୍ଧାର କରିଛନ୍ତି।
ନଦୀରୁ ଗଳିତ ମୃତଦେହ ଉଦ୍ଧାର
ମୃତକ ଜଣକ ନିକଟସ୍ଥ ରାଜଗଡ ପଞ୍ଚାୟତ ନିଆମତପୁର ଗାଁର ଅରକ୍ଷିତ ଦାସ । ତାଙ୍କ ବୟସ ପାଖାପାଖି ୬୬ ବର୍ଷ ହେବ ବୋଲି ଜଣାପଡିଛି। ସେ ଗତ ତିନି ଦିନ ହେବ ଘରେ କାହାକୁ ନଜଣାଇ କେଉଁଆଡେ ଚାଲି ଯାଇଥିଲେ।
ଅରକ୍ଷିତଙ୍କ ଭାଇ ବାଙ୍କବିହାରୀ ଦାସ ମୃତଦେହ ଚିହ୍ନଟ କରିବା ପରେ ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇବା ସହ ତଦନ୍ତ ଜାରି ରଖିଛି।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
