କେନ୍ଦ୍ରାପଡ଼ା: ମହାକାଳପଡ଼ା ହରିଆବାଙ୍କ ଗ୍ରାମର ମହିଳାଙ୍କୁ କୁମ୍ଭୀର ଆକ୍ରମଣ । ସୂଚନା ଅନୁଯାୟୀ ମହାକାଳପଡ଼ା ବ୍ଲକ ହରିଆବାଙ୍କ ଗାଁର ମମତା ଜେନା କିଛି ସ୍ଥାନୀୟ ଲୋକଙ୍କ ସହ ବୁଧବାର ଜମ୍ବୁ ନିକଟରେ ପ୍ରବାହିତ ନଦୀରେ ମାଛ ଧରୁଥିବା ବେଳେ ଏକ କୁମ୍ଭୀର ତାଙ୍କ ଗୋଡ଼କୁ ଆକ୍ରମଣ କରିଥିଲା ।
କୁମ୍ଭୀର ଆକ୍ରମଣରେ ମହିଳା ଗୁରୁତର
ତେବେ ମମତା ବୁଦ୍ଧି ଖଟାଇ କୁମ୍ଭୀର ଆଖିରେ ଆଙ୍ଗୁଠି ପୁରାଇବା ପାଇଁ ଉଦ୍ୟମ କରିବା ବେଳେ କୁମ୍ଭୀରଟି ତାଙ୍କୁ ଛାଡି ଚାଲି ଯାଇଥିଲା । ଯେଉଁଥି ପାଇଁ କି ସେ ନିଶ୍ଚିତ ମୃତ୍ୟୁ ମୂଖରୁ ବର୍ତ୍ତି ଯାଇଥିଲେ । ତେବେ କୁମ୍ଭୀର ଆକ୍ରମଣର ଶିକାର ହୋଇଥିବା ମମତାଙ୍କୁ ପ୍ରଥମେ ମହାକାଳପଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା ବେଳେ ସେଠାରେ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଚିକିତ୍ସା ପାଇଁ କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
