ଟ୍ରକ-ବସ ମୁହାଁମୁହିଁ ଧକ୍କା, 10 ଆହତ

କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଥାନା ଚଣ୍ଡିଖୋଲ-ପାରାଦୀପ ଏନଏଚର କଳାଗଡା ନିକଟରେ ବସ ଓ ଟ୍ରକ ମୁଁହାମୁଁହି ଧକ୍କା । 10 ଜଣ ଆହତ । ଅଧିକ ଖବର ପଢନ୍ତୁ...

କେନ୍ଦ୍ରାପଡା: ଜିଲ୍ଲା ମାର୍ଶାଘାଇ ଥାନା ଚଣ୍ଡିଖୋଲ-ପାରାଦୀପ ଜାତୀୟ ରାଜପଥର କଳାଗଡା ନିକଟରେ ବସ ଓ ଟ୍ରକ ମୁଁହାମୁଁହି ଧକ୍କା । ଦୁର୍ଘଟଣା ଯୋଗୁଁ ଗାଡିରେ ଥିବା 10 ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି ।

ଗାଡି ନମ୍ବର (OR04J 9495) ଓମ୍ ସାହିଲ୍ ନାମକ ଏକ ଘରୋଇ ବସ୍ ପାରାଦୀପରୁ ଚଣ୍ଡିଖୋଲ ଅଭିମୁଖେ ଯାଉଥିବା ସମୟରେ ଏକ ଟ୍ରକ ସହିତ ମୁଁହାମୁଁହି ଧକ୍କା ହୋଇଥିଲା ।

ତେବେ ଏଥିରେ ଆହତ ହୋଇଥିବା ଯାତ୍ରୀଙ୍କୁ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ମାର୍ଶାଘାଇ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ