କେନ୍ଦ୍ରାପଡା: ପାରିବାରିକ କଳହକୁ ନେଇ ବୋମାମାଡ଼ । ଏଭଳି ଘଟଣା ଘଟିଛି କେନ୍ଦ୍ରାପଡ଼ା ସହରସ୍ଥିତ ଜଇପୁରା ଗାଁରେ । ବୁଧବାର ବିଳମ୍ବିତ ରାତିରେ ଦାଦା ଓ ପୁତୁରାଙ୍କ ବିବାଦର ପରିଣାମ ସ୍ୱରୂପ ବୋମାମାଡ଼ ଘଟଣା ସହରରେ ଆତଙ୍କ ଖେଳାଇ ଦେଇଛି । ଘଟଣାରେ ଅଭିଯୁକ୍ତ ସେକ ହୁସେନ ଘରୁ ୯ଟି ଅଫୁଟା ବୋମା ଜବତ କରିଛି ଟାଉନ ଥାନା ପୋଲିସ ।
ସୂଚନାମୂତାବକ, ଜଇପୁରା ଗାଁର ନୁରୂଲଉଲ୍ଲାହଙ୍କ ସାନପୁଅ ଗତକାଲି ରାତିରେ କେନ୍ଦ୍ରାପଡ଼ା ବଜାରକୁ ଯିବାପାଇଁ ବାହାରିବା ସମୟରେ ଦାଦା ହୁସେନଙ୍କ ସହିତ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ହୁସେନ ପୁତୁରାକୁ ଗାଳିଗୁଲଜ କରିବା ସହ ଭାଇ ନୁରୂଲଉଲ୍ଲାହଙ୍କୁ ମଧ୍ୟ ମାଡ଼ ମାରିଥିଲା । ଏହାପରେ ରାତିରେ ସେମାନେ ବୋମାମାଡ଼ କରିବା ସହିତ ଭାଇର ପରିବାରକୁ ଧମକ ଦେଇଥିଲା ।
ଘଟଣାର ଖବରପାଇ ଟାଉନ ଥାନା ପୋଲିସ ପହଞ୍ଚି ଅଭିଯୁକ୍ତକୁ ଗିରଫ କରିବା ସହ ତା' ଘରୁ ୯ଟି ଅଫୁଟା ବୋମା ଜବତ କରି ସେଗୁଡିକୁ ନିଷ୍କ୍ରିୟ କରିଥିଲା । ତେବେ ଏହି ବୋମା ତିଆରି କରିବା ପାଇଁ ଆବଶ୍ୟକୀୟ ସାମଗ୍ରୀ କେଉଁଠାରୁ ଆଣୁଥିଲା ସେନେଇ ତଦନ୍ତ ଚଳାଇଛି ପୋଲିସ ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
