କେନ୍ଦ୍ରାପଡା: ପୁଣି ବୁଡ଼ିଲା ଡଙ୍ଗା । ଭାରସାମ୍ୟ ହରାଇ ଡ଼ଙ୍ଗା ବୁଡିବା ପରେ ଅଳ୍ପକେ ରକ୍ଷା ପାଇଛନ୍ତି ୩୦ ଛାତ୍ରଛାତ୍ରୀ । ସୂଚନାନୁଯାୟୀ ଆଜି ପୂର୍ବାହ୍ନରେ ଯାଜପୁର ଜିଲ୍ଲାର ବି.ସି.ଜେ ହାଇସ୍କୁଲରେ ପଢ଼ୁଥିବା ଅନ୍ୟୁନ ୩୦ ଜଣ ଛାତ୍ରଛାତ୍ରୀଙ୍କୁ ଧରି ଡଙ୍ଗାଟି ବାହାରିଥିଲା ।
ଆଳି ଥାନା ଅନ୍ତର୍ଗତ ମଧୁବନ ଘାଟରେ ଡଙ୍ଗାଟି ବୁଡିଯାଉଥିବା ଆଶଙ୍କା କରି କିଛି ଛାତ୍ରଛାତ୍ରୀ ଡଙ୍ଗାରୁ ଡେଇଁ ପଡ଼ିଥିଲେ । ପିଲାମାନଙ୍କର ପାଟିଶୁଣି ଲୋକମାନେ ଦୌଡ଼ି ଆସି ଅନ୍ୟ ଛାତ୍ରଛାତ୍ରୀଙ୍କୁ ଉଦ୍ଧାର କରିଥିଲେ।
ଭିଡିଓ ସୌଜନ୍ୟ- ସମ୍ବାଦଦାତା, କେନ୍ଦ୍ରାପଡା
ସୂଚନାଯୋଗ୍ୟ, ଚଳିତ ବର୍ଷ ମହାକାଳପଡ଼ା ଜମ୍ବୁ ଥାନା ଅନ୍ତର୍ଗତ ନିପାଣିଆ ଠାରେ ଡ଼ଙ୍ଗାବୁଡ଼ି ୧୨ଜଣଙ୍କ ମୃତ୍ୟୁ ଘଟିଥିଲା । ଏହାପରେ ପ୍ରଶାସନର ଦୃଷ୍ଟି ଆଢୁଆଳରେ ଏଭଳି ହେଉଥିବା ନେଇ ସମସ୍ତଙ୍କୁ ଚକିତ କରିଛି ।
କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ
