କେନ୍ଦ୍ରାପଡ଼ା: ରାଜନଗର ପୋଲିସକୁ ସଫଳତା । କେନ୍ଦ୍ରାପଡା ରାଜନଗର ଅଞ୍ଚଳରେ ଦୀର୍ଘଦିନ ହେବ ଲୁଟେରାଙ୍କ ପ୍ରାଦୁର୍ଭାବ ବଢିଚାଲିଥିବା ବେଳେ, ୫ଜଣ ଲୁଟେରାଙ୍କୁ କାବୁ କରିଛି ପୋଲିସ । ଏଥିସହିତ ଏହି ଲୁଟେରା ଗ୍ୟାଙ୍ଗର ୫ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି ରାଜନଗର ପୋଲିସ । ଗିରଫ ସମସ୍ତ ଲୁଟେରାମାନେ ରାଜନଗର ଅଞ୍ଚଳରେ ଟଙ୍କା ଛଡାଇବା, ମୋବାଇଲ ଲୁଟ, ବାଇକ ଲୁଟ ଭଳି ବିଭିନ୍ନ ଅପରାଧିକ ମାମଲାରେ ସଂପୃକ୍ତ ଥିବା ଜଣାପଡିଛି ।
ରାଜନଗର ପୋଲିସ ପଞ୍ଝାରେ ୫ ଲୁଟେରା
ଗିରଫ ସମୟରେ ସେମାନଙ୍କ ନିକଟରୁ ମୋବାଇଲ, ପାୱାରବ୍ୟାଙ୍କ, ୩ଟି ବାଇକ ଓ ଗୋଟିଏ ଖଣ୍ଡା ଜବତ ହୋଇଥିବା ବେଳେ ଏବେବି ଏହି ଗ୍ୟାଙ୍ଗର ଆଉ କିଛି ଲୁଟେରା ଫେରାର ଥିବା ସୂଚନା ମିଳିଛି । ଅନ୍ୟପଟେ ସେମାନଙ୍କୁ ଗିରଫ କରିବା ପାଇଁ ରାଜନଗର ପୋଲିସ ମଧ୍ୟ ବିଭିନ୍ନ ଜାଗାରେ ଚଢାଉ ଜାରି ରଖିଥିବା ସୂଚନା ଦେଇଛନ୍ତି ରାଜନଗର ଥାନାଧିକାରୀ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
