ଫୁଲବାଣୀ: ତ୍ରିସ୍ତରୀୟ ନିର୍ବାଚନ ପାଇଁ ଜିଲ୍ଲା ପରିଷଦ ପ୍ରାର୍ଥୀ ଘୋଷଣା କଲା ବିଜେଡି । କନ୍ଧମାଳ ଜିଲ୍ଲାରେ ଜିଲ୍ଲା ପରିଷଦ ପଦବୀ ପାଇଁ 18 ଜଣ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି ।
କନ୍ଧମାଳରେ ୧୮ ଜିଲ୍ଲା ପରିଷଦ ପ୍ରାର୍ଥୀ ଘୋଷଣା କଲା ବିଜେଡି
ବିଜେଡି ପକ୍ଷରୁ 18 ଜଣ ପ୍ରାର୍ଥୀଙ୍କ ନାମ ରାଜ୍ୟ ବିଜେଡି ସଭାପତି ନବୀନ ପଟ୍ଟନାୟକଙ୍କ ଦ୍ବାରା ଚୟନ କରାଯାଇଛି। ମଙ୍ଗଳବାର ଫୁଲବାଣୀ ଠାରେ ବିଜେଡି ନେତା ଓ ଜିଲ୍ଲା ସହ ପର୍ଯ୍ୟବେକ୍ଷକ କିଶୋର ମେହେରଙ୍କ ଉପସ୍ଥିତିରେ ପ୍ରାର୍ଥୀମାନଙ୍କ ନାମ ଘୋଷଣା କରାଯାଇଛି। ଏଥିରେ 12 ଜଣ ମହିଳା ଓ 6 ଜଣ ପୁରୁଷ ପ୍ରାର୍ଥୀଙ୍କୁ ଚୟନ କରାଯାଇଛି।
ଏହି ଅବସରରେ ଫୁଲବାଣୀ ବିଧାୟକ ତାଙ୍କ ପ୍ରତିକ୍ରିୟାରେ କହିଛନ୍ତି, ନବୀନ ପଟ୍ଟନାୟକଙ୍କ ଜନହିତକାରୀ ଯୋଜନାକୁ ପାଥେୟ କରି ଆମେ ନିର୍ବାଚନ ଲଢ଼ିବୁ ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
