ଫୁଲବାଣୀ: ଲଗାଣ ବର୍ଷା ଯୋଗୁଁ ଭାରସାମ୍ୟ ହରାଇ ଗଛରେ ବାଇକ ପିଟି ହୋଇ ଜଣେ ମୃତ ହେବା ସହ ଦୁଇଜଣ ଗୁରୁତର ହୋଇଛନ୍ତି । କନ୍ଧମାଳ ଜିଲ୍ଲା ଗୋଛାପଡା ଥାନା ଅନ୍ତର୍ଗତ ମୁଣ୍ଡାପଦର ନିକଟରେ ଘଟିଛି ଏହି ଦୁର୍ଘଟଣା।
ଗଛରେ ପିଟି ହେଲା ବାଇକ: ଜଣେ ମୃତ, ଦୁଇ ଗୁରୁତର
ବର୍ଷା ଯୋଗୁଁ ଗୋଛାପଡା ମୁଣ୍ଡାପଦର ଠାରେ ବହୁ ସମୟଧରି ଅଟକି ରହିଥିଲେ ତିନିଜଣ ଯୁବକ । ବର୍ଷା ଟିକିଏ କମିବାରୁ ଘରକୁ ଯିବାକୁ ବାହାରିଥିଲେ ବାଇକରେ । ହଠାତ ଗୋଟିଏ ଗାଈ ରାସ୍ତା ଉପରକୁ ଚାଲି ଆସିବାରୁ ବାଇକ ଚାଳକ ବ୍ରେକ ମାରିବା ଫଳରେ ବାଇକ ରାସ୍ତାରୁ ଖସିଯାଇ ଏକ ଗଛରେ ବାଡ଼େଇ ହୋଇଥିଲା । ଫଳରେ ଘଟଣା ସ୍ଥଳରେ ରତନ ମୁଖୀ ନାମକ ଯୁବକର ମୃତ୍ୟୁ ଘଟିଥିଲା । ଅନ୍ୟ ଦୁଇଜଣ ସୁରେନ୍ଦ୍ର ବେହେରା ଓ ବୃନ୍ଦାବନ ବାଗଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଫୁଲବାଣୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମୃତକଙ୍କ ଘର ବାଗଡଙ୍ଗେରୀ ବୋଲି ସୂଚନା ମିଳିଛି। ତେବେ ମିଳିଥିବା ଶେଷ ଖବର ସୁଦ୍ଧା ଗୁରୁତରଙ୍କ ଅବସ୍ଥା ସ୍ଥିର ରହିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
