ଫୁଲବାଣୀ: ସହରର କେନ୍ଦ୍ରସ୍ଥଳୀରେ ଥିବା ସାପ୍ତାହିକ ହାଟରେ ଲାଗିଛି ନିଆଁ। ସାପ୍ତାହିକ ହାଟରେ ଥିବା ପରିବା ଗୋଦାମ ଓ ଦୋକାନରେ ନିଆ ଲାଗି ତିନୋଟି ଦୋକାନ ଓ ଗୋଦାମ ସମ୍ପୂର୍ଣ୍ଣ ପୋଡିଯାଇଛି। ନିଆଁର କାରଣ ଅସ୍ପଷ୍ଟ ରହିଛି ।
ଫୁଲବାଣୀ ସାପ୍ତାହିକ ହାଟରେ ଅଗ୍ନିକାଣ୍ଡ
ଅନ୍ୟପଟେ କେହି ଦୁର୍ବୃତ୍ତ ଏପରି କରିଥିବା ଅଭିଯୋଗ କରିଛନ୍ତି କ୍ଷତିଗ୍ରସ୍ତ ବ୍ୟବସାୟୀ। ପ୍ରାୟ 4 ରୁ 5 ଲକ୍ଷ ଟଙ୍କାର ସମ୍ପତ୍ତି ପୋଡି ଯାଇଥିବା ପୋଲିସ ସୂଚନା ଦେଇଛି । ବ୍ୟବସାୟୀମାନେ ଥାନାରେ ଏତଲା ଦେବା ପରେ ଟାଉନ ଥାନା ପୋଲିସ ଟିମ ତଦନ୍ତ ଆରମ୍ଭ କରି ଦେଇଛି ।
ହାଟରେ କୌଣସି ସୁରକ୍ଷା ବ୍ୟବସ୍ଥା ନଥିବା ବେଳେ ଅନେକ ଜାଗା ମାଫିଆଙ୍କ କବଳରେ ରହିଥିବା ଏକ ରିପୋର୍ଟ କିଛି ଦିନ ତଳେ ଇଟିଭି ଭାରତରେ ପ୍ରସାରିତ ହୋଇଥିଲା।
କନ୍ଧମାଳରୁ ସଦାଶିଵ ପାତ୍ର,ଇଟିଭି ଭାରତ
