ଫୁଲବାଣୀ: ସ୍କୁଲ ଛାତ୍ରୀଙ୍କୁ ବ୍ୟକ୍ତିଗତ କାମରେ ନିୟୋଜିତ କରିବା ସହ ଅଶାଳୀନ ଆଚରଣ କରିବା ପ୍ରଧାନ ଶିକ୍ଷକଙ୍କୁ ପଡିଲା ମହଙ୍ଗା । ଜିଲ୍ଲାର ବେଲଘର ହାଇସ୍କୁଲର ପ୍ରଧାନ ଶିକ୍ଷକ ଲଡୁକିଶୋର ସାହୁ ସ୍କୁଲର ୨ ନାବାଳିକା ଛାତ୍ରୀଙ୍କୁ ଏପରି କରୁଥିବା ଅଭିଯୋଗର ବିଚାର କରି ରାୟ ଶୁଣାଇଲେ ଫୁଲବାଣୀ ସ୍ୱତନ୍ତ୍ର ପୋକ୍ସୋକୋର୍ଟର ବିଚାରପତି । ୧ ବର୍ଷ ଜେଲ ଦଣ୍ଡାଦେଶ ସହିତ ୧୦ ହଜାର ଟଙ୍କା ଜରିମାନା ଦଣ୍ଡରେ ଦଣ୍ଡିତ କଲେ ସ୍ୱତନ୍ତ୍ର ପୋକ୍ସୋକୋର୍ଟର ବିଚାରପତି ତଥା ଅତିରିକ୍ତ ଦୌରାଜର୍ଜ ଭାସ୍କରଚନ୍ଦ୍ର ସାହୁ । ଜରିମାନା ଅନାଦେୟ ତାଙ୍କୁ ଆଉ ୬ ମାସ ଅଧିକ ଜେଲ ଦଣ୍ଡ ଭୋଗିବାକଲୁ ପଡିବ ବୋଲି ମଧ୍ୟ କୁହାଯାଇଛି ।
ସୂଚନା ଅନୁସାରେ, ନାବାଳିକା ଛାତ୍ରୀଙ୍କୁ ପ୍ରଧାନ ଶିକ୍ଷକ ବିଦ୍ୟାଳୟରେ ବ୍ୟକ୍ତିଗତ କାର୍ଯ୍ୟରେ ନିୟୋଜିତ କରିବା ସହିତ ସେମାନଙ୍କୁ ଅଶାଳୀନ ଆଚରଣ କରିବା ନେଇ ତୁମୁଡିବନ୍ଧ ବ୍ଳକ W.E.O ମାଗୁଣି ଚରଣ ପ୍ରଧାନଙ୍କ ନିକଟରେ ଅଭିଯୋଗ କରିଥିଲେ ଛାତ୍ରୀ । ଅଭିଯୋଗକୁ ଭିତ୍ତି କରି W.E.O ବେଲଘର ଥାନାରେ ଏ ନେଇ ଅଭିଯୋଗ କରିବା ପରେ ତୁମୁଡିବନ୍ଧ ଥାନା ପୋଲିସ ଏକ ମାମଲା ରୁଜୁ କରି ଧାନ ଶିକ୍ଷକଙ୍କୁ କୋର୍ଟରେ ହାଜର କରାଇଥିଲା । ଗତକାଲି ଏହି ମାମଲାର ଶୁଣାଣି କରି ବିଚାରପତି ଏହି ରାୟ ଶୁଣାଇଛନ୍ତି ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
