ଫୁଲବାଣୀ: ପଙ୍କରେ ପଦ୍ମ । ଆଦିବାସୀ ଇଲାକାରୁ ଇସ୍ରୋ । ସିମ୍ବାଲି ଗାଁରୁ ଶ୍ରୀହରିକୋଟା ଯାତ୍ରା । ସହଜ ନଥିଲା, ତଥାପି ଅଭାବ ଅସୁବିଧାକୁ ଅଣଦେଖା କରି ବିଜ୍ଞାନଙ୍କୁ ଜିଣିଛନ୍ତି ଅଭିମନ୍ୟୁ ମଲ୍ଲିକ । ହୋଇଛନ୍ତି ଭାରତୀୟ ମହାକାଶ ଗବେଷଣା କେନ୍ଦ୍ରର ବୈଜ୍ଞାନିକ ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
5 କିଲୋମିଟର ଚାଲିଲେ ପଡେ କନ୍ଧମାଳର ଏହି ଦୁର୍ଗମ ଆଦିବାସୀ ଅଧ୍ୟୁଷିତ ଗାଁ । ଖାଲ, ଢିପ ପଥର ରାସ୍ତା । ଚାରି ଆଡେ ଘଞ୍ଚ ଜଙ୍ଗଲ । ଗାଁରେ ମାତ୍ର 15ଟି ନୁଆଁଣିଆ ଘର । ପାଠ କହିଲେ ପଞ୍ଚମ। ଆଗକୁ ପଢିବାକୁ ହେଲେ ଯିବାକୁ ପଡିବ 20 କିଲୋମିଟର ଦୂର ରଣାପାଟୁଲି ଆଶ୍ରମ ସ୍କୁଲ । ଏଭଳି ସଂଘର୍ଷ ଭିତରେ ନିଜ ସ୍ବପ୍ନ ପୂରଣ କରିଛନ୍ତି ଅଭିମନ୍ୟୁ ।
ଅଭିମନ୍ୟୁଙ୍କ ଜୀବନ ଯାତ୍ରା ଯେତିକି ହୃଦୟସ୍ପର୍ଶୀ ସେତିକି ପ୍ରେରଣାଦାୟୀ । ନିଷ୍ଠା, ଉଦ୍ୟମ ଓ କଠିନ ପରିଶ୍ରମ ଯେ ସଫଳତାର ଚାବିକାଠି ତାହାର ଜ୍ବଳନ୍ତ ଉଦାହରଣ ଅଭିମନ୍ୟୁ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
