କନ୍ଧମାଳ: ଶେଷ ହେଲା ବହୁଚର୍ଚ୍ଚିତ ଯୋଡା ମୁଣ୍ଡ ଶିଶୁ ବଳିଆର ଅନ୍ତିମ ସଂସ୍କାର । କନ୍ଧମାଳ ଜିଲ୍ଲା ଫିରିଙ୍ଗିଆ ମିଲୁପଡ଼ାରେ ଗୁରୁବାର ଯୋଡାମୁଣ୍ଡା ଶିଶୁ ବଳିଆର ଶେଷକୃତ୍ୟ ସଂପନ୍ନ ହୋଇଛି । ଯାହାକୁ ନେଇ ଗ୍ରାମରେ ଶୋକାକୂଳ ପରିବେଶ ସୃଷ୍ଟି ହୋଇଛି ।
ଶୋକାକୂଳ ପରିବେଶର ବଳିଆର ଅନ୍ତିମ ସଂସ୍କାର ସମ୍ପନ୍ନ
ତେବେ ବଳିଆର ଅନ୍ତିମ ସଂସ୍କାରରେ ଫିରିଙ୍ଗିଆ ବିଡ଼ିଓ ଶାନ୍ତନୁ ନାୟକ ଓ ସ୍ଥାନୀୟ ଅଧିକାରୀ ଯୋଗ ଦେଇ ପରିବାରକୁ ସମବେଦନା ଜଣାଇଛନ୍ତି । ଏଥିସହ ମୃତ ବଳିଆର ପରିବାରକୁ ଫିରିଙ୍ଗିଆ ବିଡ଼ିଓ 10 ହଜାର ଏବଂ ହରିଶ୍ଚନ୍ଦ୍ର ଯୋଜନାରୁ ୨୦୦୦ ଟଙ୍କା ସହାୟତା ପ୍ରଦାନ କରିଛନ୍ତି ।
ପ୍ରକାଶ ଥାଉକି, ବିଶ୍ବରେ ଏକ ବିରଳ ଅସ୍ତ୍ରୋପଚାର ମାଧ୍ୟମରେ ଦିଲ୍ଲୀ ଏମ୍ସରେ ନୂଆ ଜୀବନ ପାଇଥିଲା ବଳିଆ । ମାତ୍ର ସେପ୍ଟିସିମିଆରେ ପିଡିତ ହୋଇ ବୁଧବାର ରାତି 9 ଟାରେ ବଳିଆର ମୃତ୍ୟୁ ଘଟିଥିଲା ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
