ଫୁଲବାଣୀ: କୁହୁଡି ହେଲା କାଳ । ରାସ୍ତା ନ ଦିଶିବାରୁ ଗଛରେ ପିଟି ହୋଇ ରାସ୍ତାରେ କଡକୁ ଖସିଲା ଗାଡି । କନ୍ଧମାଳ ଜିଲ୍ଲା କ.ନୂଆଗାଁ ନିକଟସ୍ଥ ଏଫ୍ସିଆଇ ଗୋଦାମ ନିକଟରେ ଘଟିଛି ଦୁର୍ଘଟଣା । ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଅଛନ୍ତି ।
ସୂଚନାଅନୁସାରେ ବାଲିଗୁଡ଼ାରୁ ରୁଟିନ୍ ଚିକିତ୍ସା ପାଇଁ ବିଶାଖାପାଟଣା ଯାଇ ବାଲିଗୁଡ଼ା ଫେରୁଥିବାବେଳେ ଆଜି ସକାଳ ପ୍ରାୟ ୫ଟା ରୁ ୬ଟା ମଧ୍ୟରେ କେ.ନୂଆଗାଁ ନିକଟରେ ଦୁର୍ଘଟଣା ଘଟିଥିବା ଜଣାପଡ଼ିଛି । ଏଫ୍ସିଆଇ ଗୋଦାମ ନିକଟରେ ଏକ ହୋଣ୍ଡାଇ କାର୍ ଦୁର୍ଘଟଣାଗ୍ରସ୍ତ ହୋଇଛି । ଫଳରେ ଦାରିଙ୍ଗବାଡ଼ିର ଏକ ଆଶ୍ରମ ବିଦ୍ୟାଳୟରେ କାର୍ଯ୍ୟ କରୁଥିବା ପ୍ରଧାନ ଶିକ୍ଷକଙ୍କ ମୃତ୍ୟୁ ହୋଇଛି । ଗୁରୁତର ମହିଳା ଜଣଙ୍କ ହେଲେ ମୃତ ଶିକ୍ଷକଙ୍କ ପତ୍ନୀ ମଞ୍ଜୁଲତା ସାହୁ ।
ସେମାନଙ୍କୁ ଉଦ୍ଧାର କରାଯାଇ ପ୍ରଥମେ ବାଲିଗୁଡା ପରେ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ମୃତ ଶିକ୍ଷକଙ୍କ ପତ୍ନୀଙ୍କ ସ୍ବାସ୍ଥ୍ୟବସ୍ଥା ସଙ୍କଟାପନ୍ନ ରହିଛି ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
