ଫୁଲବାଣୀ : ଗଞ୍ଜେଇ ଚୋରା କାରବାର ଘଟଣାରେ କନ୍ଧମାଳ ଜିଲ୍ଲା ପୋଲିସକୁ ମିଳିଛି ସଫଳତା । ବୋଲେରରେ ୨୩ କିଲୋ ୫୦୦ ଗ୍ରାମ ଗଞ୍ଜେଇ ଚାଲାଣ ବେଳେ ଜବତ କରିଛି ଫିରିଙ୍ଗିଆ ଥାନା ପୋଲିସ । ଏହି ଘଟଣାରେ ଦୁଇଜଣଙ୍କୁ ଗିରଫ କରାଯାଇଛି ।
ସୂଚନା ଅନୁସାରେ, ଏକ ବୋଲେରୋ ଗାଡିରେ ଗଞ୍ଜେଇ ଚାଲାଣ ହେଉଥିବା ନେଇ ପୋଲିସକୁ ଖବର ମିଳିଥିଲା । ଏନେଇ ଫିରିଙ୍ଗିଆ ଥାନାଧିକାରୀ ପି.ଶ୍ୟାମସୁନ୍ଦର ରାଓଙ୍କ ନେତୃତ୍ବରେ ଏକ ଟିମ ତେଲି ମୁଣ୍ଡା ଛକରେ ଜଗି ରହିଥିଲା । ତେବେ ବୋଲେରୋ ନଂ (ଓଡି ୦୨ ବିକ୍ୟୁ ୪୬୯୦) ଆସୁଥିବା ଦେଖି ପୋଲିସ ଯାଞ୍ଚ କରିଥିବା ବେଳେ ଗଞ୍ଜେଇ ଜବତ ହୋଇଛି । ଏ ନେଇ ଥାନାରେ ୧୨୦/୨୨ରେ ଏକ ମାମଲା ରୁଜୁ କରାଯାଇଛି ।
ଇଟିଭି ଭାରତ, କନ୍ଧମାଳ
