ଫୁଲବାଣୀ: କନ୍ଧମାଳରେ ଅଘଟଣ । ପିଲାସାଲୁଙ୍କି ଡ୍ୟାମରେ ବୁଡିଲା ଡଙ୍ଗା । ଜଣ ଯୁବତୀଙ୍କୁ ଉଦ୍ଧାର କରାଯାଇଥିବାବେଳେ ଜଣେ ଯୁବତୀ ବର୍ତ୍ତମାନ ସୁଦ୍ଧା ନିଖୋଜ ଅଛନ୍ତି । ଖବର ପାଇ ଖଜୁରିପଡା ଦମକଳ ବାହିନୀ ଓ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
ଉଦ୍ଧାର ପାଇଁ ଅପରେସନ୍ କାର୍ଯ୍ୟ ଜାରି ରହିଛି । ଫୁଲବାଣୀ ଦମକଳ ବାହିନୀ ସହିତ ଖଜୁରୀପଡା ଥାନା ପୋଲିସ ଓ ଦମକଳ ବାହିନୀ ଅପରେସନ ଜାରି ରଖିଛନ୍ତି । ତେବେ ପ୍ରବଳ ଶୀତ ସାଙ୍ଗକୁ ଅନ୍ଧାର ହୋଇଯାଇଥିବାରୁ ଉଦ୍ଧାର କାର୍ଯ୍ୟରେ ବାଧାପ୍ରାପ୍ତ ହୋଇଛି । ପୁଣି ଭୋରରୁ ଉଦ୍ଧାର କାର୍ଯ୍ୟ ଜାରି ରହିବ। ନେଇ ସୂଚନା ମିଳିଛି ।
ସୂଚନା ଅନୁଯାୟୀ, ସ୍ଥାନୀୟ ଦୁତିମେଣ୍ଡିର 6ଜଣ ଯୁବତୀ ବଣଭୋଜି ପାଇଁ ପିଲା ସାଲୁଙ୍କି ଡ୍ୟାମକୁ ଯାଇଥିଲେ । କୌଣସି କାରଣରୁ ଡ୍ୟାମରେ ଡଙ୍ଗାଟି ବୁଡି ଯାଇଥିଲା । ଫଳରେ 5ଜଣଙ୍କୁ ଉଦ୍ଧାର କରାଯାଇଥିଲା ଆଉ ଜଣେ ଏବେବି ନିଖୋଜ ଅଛନ୍ତି । ପୋଲିସ ତଦନ୍ତ ଜାରି ରଖିଛି । ସେପଟେ ଏହି ଡ୍ୟାମ ଅଞ୍ଚଳକୁ ହଜାର ହଜାର ପର୍ଯ୍ୟଟକ ଆସୁଥିଲେ ହେଁ ସୁରକ୍ଷା ବ୍ୟବସ୍ଥା ସମ୍ପୂର୍ଣ୍ଣ ରୂପେ ଢିଲା ରହିଛି ।
କନ୍ଧମାଳରୁ ସଦାଶିବ ପାତ୍ର,ଇଟିଭି ଭାରତ
