ଫୁଲବାଣୀ: ଦାରିଙ୍ଗବାଡି ଦେଇ ଯାଇଥିବା 59 ନଂ ଜାତୀୟ ରାଜପଥରେ ମର୍ମନ୍ତୁଦ ସଡକ ଦୁର୍ଘଟଣା । ପାଖରେ ଥିବା ସାରିଙ୍ଗିଇର୍ପି କ୍ୟାଥଲିକ ଚର୍ଚ୍ଚ ସମ୍ମୁଖରେ ହାଇୱାକୁ ପଛପଟୁ ଧକ୍କା ଦେଇ ବାଇକ ଚାଳକଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଛି । ତେବେ ମୃତକ ଜଣଙ୍କ ହେଉଛନ୍ତି ଡବେରୀ ଗ୍ରାମର ଅଜିତ ମଲିକ(34) ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ସୂଚନା ଅନୁଯାୟୀ ବୁଧବାର ରାତିରେ ତ୍ରିଶକ୍ତି କନଷ୍ଟ୍ରକ୍ସନର ହାଇୱା ନଂ(ଓଡି-07-ଇ-1247) ଖରାପ ହୋଇଯିବାରୁ ଚର୍ଚ୍ଚ ସାମ୍ନାରେ ରଖାଯାଇଥିଲା । ଏହି ସମୟରେ ଟିଭିଏସ ବାଇକ ନଂ(ଓଆର-07-କେ-7922) ହାଇୱାକୁ ପଛପଟୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ବାଇକ ଚାଳକଙ୍କର ମୃତ୍ୟୁ ହୋଇଥିଲା ।
ଖବର ପାଇ ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ତେଣେ 59ନଂ ଜାତୀୟ ରାଜପଥରେ ବାରମ୍ବାର ଏପରି ଦୁର୍ଘଟଣା ଘଟୁଥିବା ବେଳେ ରାସ୍ତା ଉପରେ ପାର୍କିଂ ନିତିଦିନିଆ ହୋଇଛି । ଏନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
