ଫୁଲବାଣୀ: କନ୍ଧମାଳ ଜିଲ୍ଲା କ.ନୂଆଗାଁ ଥାନା ଅନ୍ତର୍ଗତ ଲେତିଙ୍ଗିଆ ପଞ୍ଚାୟତ ଅଞ୍ଚଳର 3 ନାବାଳିକାଙ୍କ ସମେତ ଅନ୍ୟ ଜଣେ ଦାରିଙ୍ଗବାଡିର ଯୁବତୀଙ୍କୁ ତାମିଲନାଡୁରୁ ଉଦ୍ଧାର କରିଛି ପୋଲିସ । ଏମାନଙ୍କୁ ଚାଲାଣ କରାଯାଇଥିବା ଏବଂ ନିର୍ଯ୍ୟାତନା ଦିଆଯାଇଥିବା ପରିବାର ତରଫରୁ ଅଭିଯୋଗ କରାଯାଇଥିଲା ।
ଭିଡିଓ ସୌଜନ୍ୟ- ସମ୍ବାଦଦାତା, କନ୍ଧମାଳ
ଏହି ମାମଲାରେ ଏସଆଇ ପ୍ରକାଶ ଚନ୍ଦ୍ର ପ୍ରଧାନଙ୍କ ନେତୃତ୍ବରେ ତିନି ଜଣିଆ ଟିମ୍ ତାମିଲନାଡୁ ଇରୋଡରେ ଥିବା ପାଲଭା ସ୍ପାଇନିଂ ମିଲରେ ସେଠାକାର ପୋଲିସ ସହିତ ମିଶି ଚଢାଉ କରି ଉଦ୍ଧାର କରିଛି । ଏହି ମାମଲାରେ ଭଦ୍ରକର ନିରଞ୍ଜନ ଦାସ ଓ କନ୍ଧମାଳ ତେଲିଙ୍ଗିଆର ସାଇନୀ ଦିଗାଲକୁ ଗିରଫ କରିଛି ବୋଲି ସୂଚନା ଦେଇଛନ୍ତି ଥାନା ଅଧିକାରୀ ଚନ୍ଦ୍ରମଣି ସିଂ ।
ନାବାଳିକା ମାନଙ୍କୁ ସିଡବ୍ଲୁସିରେ ହାଜର କରାଯିବା ପରେ ସେମାନଙ୍କୁ ପରିବାରକୁ ହସ୍ତାନ୍ତର କରାଯାଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
