ଫୁଲବାଣୀ: କରଡା ଘାଟିରେ ଓଲଟିଲା କାର ୩ ମୃତ, ୨ ଗୁରୁତର । କନ୍ଧମାଳ ଜ଼ିଲ୍ଲା ରାଇକିଆ ଥାନା ଅନ୍ତର୍ଗତ କରଡା ଘାଟିରେ ମଙ୍ଗଳବାର ଏକ ଜାଇଲୋ କାର ଭାରସାମ୍ୟ ହରାଇ ଘାଟିରୁ ୫୦ ଫୁଟ ତଳକୁ ଖସି ପଡିବା ଫଳରେ 3 ଜଣଙ୍କ ମୃତ୍ୟୁ ଘଟିଥିବାବେଳେ ଅନ୍ୟ 2ଜଣ ଗୁରୁତର ସମେତ 6 ଜଣ ଆହତ ହୋଇଛନ୍ତି ।
ଘାଟିରୁ 50 ଫୁଟ ତଳକୁ ଖସିଲା କାର: 3 ମୃତ, 2 ଗୁରୁତର
ସୂଚନାଅନୁଯାୟୀ ରାଇକିଆ ଅଞ୍ଚଳର ୯ ଜଣ ଯୁବକ ଏକ ଜାଇଲୋ କାର ନମ୍ବର କାର OR ୧୯ K ୫୬୫୧ ରେ ଯୋଗେ ପିକନିକ ପାଇଁ ବାହାରିଥିଲେ। ସେମାନେ ଦାନ୍ତଲିଙ୍କ ଅଞ୍ଚଳକୁ ଯିବା ବେଳେ କରଡା ଘାଟି ନିକଟରେ କାର ଭୟଙ୍କର ଦୁର୍ଘଟଣା ଘଟିଛି । ଖବର ପାଇ ପୋଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଆହତ ମାନଙ୍କୁ ଉଦ୍ଧାର କରିଥିଲେ । ଏହା ପରେ ତୁରନ୍ତ ରାଇକିଆ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି l
୨ ଜଣ ଗୁରୁତରଙ୍କୁ ଫୁଲବାଣୀ ସଦର ମହକୁମା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ଗାଡିଟି ପ୍ରାୟ ୫୦ ଫୁଟ ତଳକୁ ଖସିଯାଇଥିଲା। ବର୍ତ୍ତମାନ ପୋଲିସ ଘଟଣାର ତଦନ୍ତ କରୁଛି।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
