ଫୁଲବାଣୀ: ପୁଣି ବଜ୍ରପାତ ନେଲା ଜୀବନ । କନ୍ଧମାଳ ଜିଲ୍ଲା ବୁଧବାର ବଜ୍ରପାତ ଯୋଗୁଁ 2 ଜଣଙ୍କ ମୃତ୍ୟୁ ଘଟିଥିବା ବେଳେ 10ରୁ ଊର୍ଦ୍ଧ୍ବ ଗୋରୁ ମଧ୍ୟ ପ୍ରାଣ ହରାଇଛନ୍ତି । ସେହିପରି 2 ଜଣ ଗୁରୁତର ହୋଇଛନ୍ତି । ମୃତକ ଦ୍ବୟ ହେଲେ ଚକାପାଦ ବ୍ଲକ୍ ନୁଆସାହିର ସୁମନ୍ତ କୁମାର ବିଶୋଇ ଓ ଫିରିଙ୍ଗିଆର ଦାନା ସିଂ କହଁର ।
ବଜ୍ରପାତରେ ଦୁଇ ଯୁବକଙ୍କ ସହ 10 ଗୋରୁ ମୃତ
ସୂଚନା ଅନୁସାରେ, ଭୀଷଣ ଗରମ ହେଉଥିବାରୁ ସୁମନ୍ତ ଘର ବାହାରେ ବସିଥିଲେ l ହଠାତ ଝଡ଼ ତୋଫାନ୍ ସହ ବଜ୍ରାଘାତ ହୋଇଥିଲା । ଫଳରେ ଏଥିରେ ସୁମନ୍ତଙ୍କ ମୃତ୍ୟୁ ଘଟିଥିଲା । ସେହିପରି ଫିରିଙ୍ଗିଆର ମଗମୁଣ୍ଡା ଗ୍ରାମରେ ତିନି ଜଣ ବ୍ୟକ୍ତି ଘର ବାରଣ୍ଡାରେ ବସିଥିବା ବେଳେ ହଠାତ୍ ବର୍ଷା ସହ ଝଡ ବର୍ଷା ସହ ବଜ୍ରପାତ ହୋଇଥିଲା । ଏଥିରେ ଦାନା ସିଂ କହଁରଙ୍କ ମୃତ୍ୟୁ ଘଟିଥିଲା ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
