କଳାହାଣ୍ଡି: ଲଗାଣ ବର୍ଷା ଯୋଗୁଁ ମାଟି କାନ୍ଥ ଭୁଷୁଡିପଡିବାରୁ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଗୁରୁତର ହୋଇଛନ୍ତି । ଭବାନୀପାଟଣାର ଅର୍କାବାହାଳିପଡାରେ ଏହି ଅଘଟଣ ଘଟିଛି । ମୃତକ ଜଣଙ୍କ ଶାଶୂ ହୋଇଥିବା ବେଳେ ଗୁରୁତର ଆହତ ଜଣକ ତାଙ୍କ ବୋହୂ ହୋଇଥିବା ଜଣାପଡିଛି । ବୋହୂଙ୍କୁ ଗୁରୁତର ଅବସ୍ଥାରେ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ଅର୍କାବାହାଳିପଡାରେ ଶାଶୁ ରାଣୀମତୀ ସିଂ ଓ ବୋହୂ ଯୋଶବନ୍ତୀ ସିଂ ରୋଷେଇ କରୁଥିବା ବେଳେ ହଠାତ୍ ରୋଷେଇ ଘର ଭୁଷୁଡି ପଡିଥିଲା । ସ୍ଥାନୀୟ ଲୋକେ ଦୁଇଜଣଙ୍କୁ କାନ୍ଥ ତଳୁ ଉଦ୍ଧାର କରି ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ରାଣୀମତୀଙ୍କୁ ଡାକ୍ତର ମୃତ ଘୋଷଣା କରିଥିଲେ । ସେହିଭଳି ଯୋଶବନ୍ତୀଙ୍କ ଅବସ୍ଥା ସଂକଟାପନ୍ନ ହେବାରୁ ତାଙ୍କୁ ବୁର୍ଲାକୁ ସ୍ଥାନାନ୍ତର କରାଯାଇଛି।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
