ଭବାନୀପାଟଣା: କଳାହାଣ୍ଡି ଜିଲ୍ଲା ମଦନପୁର ରାମପୁର ଅଞ୍ଚଳରେ ଅଘଟଣ । ଗୋପାଳପୁର-ରାୟପୁର ୫୯ ନମ୍ବର ଜାତୀୟ ରାଜପଥର ଅଇଁଲାପାଲି ଛକରେ ଥିବା ଏକ ଘର ଭିତରକୁ ଏକ ଟ୍ରଲର ମାଡିଯିବା ଫଳରେ ଘଟଣା ସ୍ଥଳରେ ଜଣେ ମହିଳାଙ୍କର ମୃତ୍ୟୁ ହୋଇଛି ।ତେବେ ଛକ ନିକଟ ରାସ୍ତା କଡରେ ରଙ୍କ ପଶାୟତଙ୍କ ଘର ଥିବାବେଳେ ନିୟନ୍ତ୍ରଣ ହରାଇ ଏକ ଟ୍ରଲର ଘର ଭିତରକୁ ମାଡିଯାଇଥିଲା । ଦୁର୍ଘଟଣାରେ ରଙ୍କଙ୍କ ସ୍ତ୍ରୀ ତୁଳସୀ ପଶାୟତଙ୍କ ଘଟଣା ସ୍ଥଳରେ ହିଁ ମୃତ୍ୟୁ ହୋଇଛି ।
ଘର ଭିତରକୁ ମାଡିଗଲା ଟ୍ରଲର, ଜଣେ ମୃତ
ଏନେଇ ଘଟଣା ସ୍ଥଳରେ ଉତ୍ତେଜନା ଦେଖିବାକୁ ମିଳିଥିଲା। ପରେ ସ୍ଥାନୀୟ ପ୍ରଶାସନ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା । ମୃତକଙ୍କ ପରିବାରକୁ ରେଡକ୍ରସ ପାଣ୍ଠିରୁ ୧୦ ହଜାର ଟଙ୍କାର ସହାୟତା ରାଶି ପ୍ରଦାନ କରାଯାଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
