ଭବାନୀପାଟଣା : କଳାହାଣ୍ଡି ଜିଲ୍ଲା ଜୁନାଗଡ଼ ସ୍ଥିତ ଓଡିଶା ଆଦର୍ଶ ବିଦ୍ୟାଳୟରେ ଶିକ୍ଷକ ପଦବୀ ପୂରଣ ଦାବିରେ ଆଜି ସ୍କୁଲ ଗେଟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ଛାତ୍ରଛାତ୍ରୀ । ଫଳରେ ପାଠପଢାରେ ବ୍ୟାଘାତ ସୃଷ୍ଟି ହୋଇଛି । ଏହି ଆଦର୍ଶ ବିଦ୍ୟାଳୟରେ ୭ଟି ଶିକ୍ଷକ ପଦବୀ ଖାଲି ପଡ଼ିଛି । ଫଳରେ ଛାତ୍ରଛାତ୍ରୀଙ୍କ ପାଠ ପଢାରେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି ।
ଆଗକୁ ପରୀକ୍ଷା ଥିବା ବେଳେ ଶିକ୍ଷକ ନିଯୁକ୍ତି ଅଭାବ ଯୋଗୁଁ ଦ୍ଵନ୍ଦ ରେ ଛାତ୍ରଛାତ୍ରୀ । ଏହି ଆଦର୍ଶ ବିଦ୍ୟାଳୟରେ ସ୍ଥାୟୀ ଅଧ୍ୟକ୍ଷ, ଫିଜିକ୍ସ, ସଂସ୍କୃତ, ହିନ୍ଦୀ, ମ୍ୟୁଜିକ,କଳା ଶିକ୍ଷକ କିରାଣି ପଦବୀ ସମେତ ୮ ଟି ପଦବୀ ଖାଲି ପଡ଼ିଛି । ୨୦୧୬ରୁ ଆରମ୍ଭ ହୋଇଥିବା ଏହି ବିଦ୍ୟାଳୟରେ ୬ ବର୍ଷ ହେଲା ଫିଜିକ୍ସ ଶିକ୍ଷକ ପଦବୀ ଖାଲି ପଡ଼ିଛି । ସେହିପରି କିରାଣୀ ପଦବୀ ଖାଲି ଥିବା ଯୋଗୁଁ ଶିକ୍ଷକମାନେ ଏହି କାମ କରୁଛନ୍ତି ।
ଖାଲିଥିବା ଶିକ୍ଷକ ପଦବୀ ପୂରଣ ନିମନ୍ତେ ଆଜି ଛାତ୍ରଛାତ୍ରୀ ଧାରଣା ଦେଇଥିଲେ । ଧର୍ମଗଡ଼ ଉପ ଜିଲ୍ଲାପାଳ ପାୱାର ସଚିନ ପ୍ରକାଶ, ଜୁନାଗଡ଼ ବିଡ଼ିଓ, ତହସିଲଦାର ଛାତ୍ରଛାତ୍ରୀଙ୍କୁ ବୁଝାଶୁଝା କରିବା ସହିତ ୭ ଦିନ ମଧ୍ୟରେ ଶିକ୍ଷକ ପଦବୀ ପୂରଣ କରାଯିବା ନେଇ ପ୍ରତିଶୃତି ଦେଇଥିଲେ । ଏହାପରେ ଧାରଣାରୁ ଓହରି ଥିଲେ ଛାତ୍ରଛାତ୍ରୀ ।
ଇଟିଭି ଭାରତ, କଳାହାଣ୍ଡି
