ଭବାନୀପାଟଣା: ଲକ୍ଷାଧିକ ଟଙ୍କାର ଧାନ ଜଳି ପୋଡି ପାଉଁଶ । କଳାହାଣ୍ଡି ଜିଲ୍ଲା ଲାଞ୍ଚିଗଡ ବ୍ଲକ ଅନ୍ତର୍ଗତ କଳାକୁପା ଗାଁର ଚାଷୀ ତ୍ରିଲୋଚନ ଗୌଡଙ୍କ ଧାନ ଖଳାରେ ନିଆଁ ଲାଗିଛି । ଫଳରେ କୁଇଣ୍ଟାଲରୁ ଅଧିକ ଧାନ ଜଳିପୋଡି ପାଉଁଶ ହୋଇଛି ।
ଧାନ ଖଳାରେ ନିଆଁ ଲାଗି ଧାନ ନଷ୍ଟ
ନିଆଁ ଲାଗିବାର ଖବର ପାଇ ଅଗ୍ନିଶମ ବାହୀନି ନିଆଁକୁ ଆୟତ୍ତ କରିବାରେ ବିଳମ୍ବ ହୋଇଥିଲା । ଫଳରେ ଗଚ୍ଛିତ ଥିବା ଲକ୍ଷାଧିକ ଟଙ୍କାର ଧାନ ଜଳି ପୋଡି ପାଉଁଶ ହୋଇଯାଇଛି । ନିଆଁ କବଳରୁ ଆଖପାଖ ଖଳାରେ ଥିବା ଅନ୍ୟ ମାନଙ୍କ ଧାନ ଅଳ୍ପକେ ବର୍ତ୍ତି ଯାଇଛି । କେଉଁ କାରଣରୁ ଧାନ ଖଳାରେ ନିଆଁ ଲାଗିଲା ତାହା ସ୍ପଷ୍ଟ ହୋଇନାହିଁ ।
ତ୍ରିଲୋଚନ ଧାର କରଜ କରି ଫସଲ ଅମଳ କରିଥିଲେ । ଅଚାନକ ଏପରି ଦୁର୍ଘଟଣାରେ ସେ ହତାଶ ହୋଇପଡିଛନ୍ତି । କ୍ଷୟକ୍ଷତିର ଆକଳନ କରି କ୍ଷତିଗ୍ରସ୍ତ ଚାଷୀଙ୍କୁ ସରକାରୀ ସହାୟତା ଯୋଗାଇ ଦେବାକୁ ସାଧାରଣରେ ଦାବି ହୋଇଛି ।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
