କଳାହାଣ୍ଡି: ଥୁଆମୂଳ ରାମପୁର ବ୍ଲକ ଅଡ୍ରୀଠାରେ ଲୋକାର୍ପଣ ହୋଇଯାଇଛି ଓସ୍କୋର ନବ ନିର୍ମିତ ବିଦ୍ୟୁତ ସବଷ୍ଟେସନ। ଏହାପରେ ବ୍ଲକର ଅଡ୍ରୀ, ଗୋପିନାଥପୁର, ମାଳିଗାଁ ଗ୍ରାମ ପଞ୍ଚାୟତର ସମସ୍ତ ଗ୍ରାମକୁ ବିଜୁଳି ଆଲୁଅ ଦେଖିବାର ସୌଭାଗ୍ୟ ମିଳିବ ଓ ଇନ୍ଦ୍ରାବତୀ ଜଳବନ୍ଦୀରେ ଥିବା ପୋଡାପଦର ଗ୍ରାମପଞ୍ଚାୟତର ଅନେକ ଗ୍ରାମକୁ ମଧ୍ୟ ବିଜୁଳି ସୁବିଧା ମିଳିପାରିବ ।
ଶକ୍ତିମନ୍ତ୍ରୀ ଦିବ୍ୟ ଶଙ୍କର ମିଶ୍ର ଓ ଲାଞ୍ଜିଗଡ ବିଧାୟକ ପ୍ରଦୀପ ଦିଶାରୀ, ଓ୍ବେସ୍କୋ ବିଭାଗର ଅଥୋରାଇଜ୍ ଅଫିସର ବୁର୍ଲା ଇଂଜିନିୟର ସ୍ବରୂପ ହରିଚନ୍ଦନ, ସୁପରିଣ୍ଟେଣ୍ଡିଙ୍ଗ ଇଂଜିନିୟର ଧନଞ୍ଜୟ ରଣା, ଇଂଜିନିୟର ଦେବଦତ୍ତ ଭୋଇ ସମେତ ଅନେକ ଓ୍ବେସ୍କୋ କର୍ମଚାରୀ ଏହି ଲୋକାର୍ପଣ ଉତ୍ସବରେ ଉପସ୍ଥିତି ଥିଲେ । ଯେଉଁଥିରେ ମାଳିଗାଁ, ଦଳଗୁଡା, ଅଡ୍ରୀ ଓ ଗୋପିନାଥପୁର ୪ଟି ଫିଡର୍ ସହ ଏସବୁ ଅଞ୍ଚଳକୁ ବିଦ୍ୟୁତ ସଂଯୋଗର ବ୍ୟବସ୍ଥା କରାଯାଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ