ଭବାନୀପାଟଣା: କଳାହାଣ୍ଡିରେ ବଢୁଛି ଆକ୍ରାନ୍ତଙ୍କ ସଂଖ୍ୟା । ଆଜି(ଶୁକ୍ରବାର) ଜିଲ୍ଲାରୁ ପୁଣି ନୂଆ 13 ପଜିଟିଭ ଚିହ୍ନଟ ହୋଇଛନ୍ତି । ତେବେ ଏଠାରେ କ୍ବାରେଣ୍ଟାଇନ ଅପେକ୍ଷା ଲୋକାଲ ସଂକ୍ରମଣ ବୃଦ୍ଧି ପାଉଥିବାରୁ ପ୍ରାଶାସନ ପାଇଁ ଏହା ଚିନ୍ତାର କାରଣ ପାଲିଟିଛି । ବର୍ଦ୍ଧିତ ଆକ୍ରାନ୍ତଙ୍କ ସଂଖ୍ୟା ନେଇ ସାଧାରଣ ଲୋକେ ଆତଙ୍କିତ ଅଛନ୍ତି । ନୂଆ ପଜିଟିଭକୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା 6 ହଜାର ପାର କରିଛି ।
କଳାହାଣ୍ଡିରେ ପୁଣି ୧୩ ନୂଆ ଆକ୍ରାନ୍ତ
ପ୍ରଶାସନର ସୂଚନା ମୁତାବକ, ଜିଲ୍ଲାର ମୋଟ ଆକ୍ରାନ୍ତଙ୍କ ମଧ୍ୟରୁ 3 ହଜାର 146 ଜଣ ସୁସ୍ଥ ହୋଇଛନ୍ତି ଓ 2 ହଜାର 934 ଜଣ ଜିଲ୍ଲାର ବିଭିନ୍ନ କୋଭିଡ ହସ୍ପିଟାଲ ଓ ହୋମ ଆଇସୋଲେସନରେ ଚିକିତ୍ସାଧୀନ ଅଛନ୍ତି । ଅନ୍ୟପଟେ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟାରେ ବୃଦ୍ଧିକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ପକ୍ଷରୁ ସ୍ବାସ୍ଥ୍ୟ କର୍ମୀମାନେ ଘରକୁ ଘର ଯାଇ କୋରୋନା ସର୍ଭେ ପ୍ରକ୍ରିୟା ଜାରି ରଖିଛନ୍ତି ।
କଳାହାଣ୍ଡିରୁ ଅଜିତ କୁମାର ଦାସ, ଇଟିଭି ଭାରତ
