କଳାହାଣ୍ଡି: ଲାଲ ଆତଙ୍କ ଫେରିଲା କଳାହାଣ୍ଡିକୁ । ଜିଲ୍ଲାରେ ପୁଣି ମାଓ ହିଂସା ଦେଖିବାକୁ ମିଳିଛି । ଏମ୍ ରାମପୁର ବ୍ଲକର ନୂଆମୁଣ୍ଡା ଗ୍ରାମରେ ଠିକାଦାର କ୍ୟାମ୍ପରେ ମାଓ ଆକ୍ରମଣ । 2 ଜେସିବି ଓ 5 ଟ୍ରାକ୍ଟର ପୋଡି ଦେଇଛନ୍ତି ମାଓବାଦୀ ।
ଭିଡିଓ ସୌଜନ୍ୟ: ସମ୍ବାଦଦତା କଳାହାଣ୍ଡି
ବୁଧବାର ବିଳମ୍ବିତ ରାତ୍ରିରେ ନିଆଁ ଲଗାଇ ଗାଡି ପୋଡି ଦେଇଛନ୍ତି ସଶସ୍ତ୍ର ମାଓବାଦୀ । ଭର୍ଲ୍ଲାଦାନୀ ଠାରୁ ମୁଣ୍ଡା ମସ୍କା ଗ୍ରାମକୁ ସଂଯୋଗ କରୁଥିବା ପ୍ରଧାନମନ୍ତ୍ରୀ ସଡକ ଯୋଜନାକୁ ବିରୋଧ କରି ଏପରି ହିଂସାକାଣ୍ଡ ଘଟାଇଥିବା ଜଣାପଡିଛି ।
ଏହି ଘଟଣା ପରେ ଅଞ୍ଚଳରେ ଭୟର ବାତାବରଣ ଖେଳିଯାଇଛି । ଏହି ଘଟଣାକୁ 5ରୁ6 ଘଣ୍ଟା ବିତି ଯାଇଥିଲେ ମଧ୍ୟ ପୋଲିସ ଘଟଣାସ୍ଥଳରେ ପହଞ୍ଚି ନଥିବା ସୂଚନା ମିଳିଛି ।
କଳାହାଣ୍ଡିରୁ ଅଜିତ୍ କୁମାର ସିଂ, ଇଟିଭି ଭାରତ
