ଭବାନୀପାଟଣା: କଳାହାଣ୍ଡି ଜିଲ୍ଲା ଜୟପାଟଣା ଥାନା ଅଞ୍ଚଳରେ ଏକ ନାବାଳିକାକୁ ଦୁଷ୍କର୍ମ ଅଭିଯୋଗ ହୋଇଛି । ନାବାଳିକା ଜଣକ କୋଣସି କାମରେ କେନାଲ ରାସ୍ତା ଦେଇ ଆସୁଥିବା ସମୟରେ ପୂର୍ବରୁ ଲୁଚି ରହିଥିବା ସେହି ଗାଁର ଗୋବିନ୍ଦ ଗୁରୁମେ ନାମକ ଜଣେ ବିବାହିତ ଯୁବକ ନାବାଳିକାଙ୍କୁ ଆକ୍ରମଣ କରି ଦୁଷ୍କର୍ମ କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ନାବାଳିକା ଜଣକ ଯେତେ ଚେଷ୍ଟା କରିଥିଲେ ମଧ୍ୟ ସେ ଦାନବ ବଳରୁ ମୁକୁଳି ପାରିନଥିଲେ । ଦୁଷ୍କର୍ମ କରି ଏ କଥା କାହା ଆଗରେ କହିଲେ ଜୀବନରୁ ମାରିଦେବା ନେଇ ମଧ୍ୟ ଧମକ ମଧ୍ୟ ଦେଇଥିଲା ଗୋବିନ୍ଦ । କିନ୍ତୁ ଏ କଥାକୁ ନାବାଳିକା ଖାତିର ନ କରି ପରିବାର ଲୋକଙ୍କୁ କହିଥିଲେ ।
ଖବର ଶୁଣି ପରିବାର ଲୋକେ ତୁରନ୍ତ ଜୟପାଟଣା ଥାନାରେ ଅଭିଯୋଗ କରିଥିଲେ । ହେଲେ ଅଭିଯୋଗକୁ ଚାରିଦିନ ବିତି ଯାଇଥିଲେ ମଧ୍ୟ ପୋଲିସର କୋଣସି ପଦକ୍ଷେପ ଦେଖିବାକୁ ମିଳିନାହିଁ । ପୋଲିସ ଅଭିଯୁକ୍ତ ନାରେ ଆଇପିସି ଧାରା ୩୭୬/୫୦୬ ତଥା ପୋକ୍ସୋ ଆକ୍ଟରେ ମାମଲା ରୁଜୁ କରି ତଦନ୍ତ ଚଳାଇଛି ।
କଳାହାଣ୍ଡିରୁ ଅଜୀତ ସିଂ, ଇଟିଭି ଭାରତ
