ଭବାନୀପାଟଣା: ମେଲାଣି ନେଲେ ଜଗତ ଜନନୀ ମାଆ ଦୁର୍ଗା । ସରି ଯାଇଛି ଦଶହରା । ମେଲାଣି ନେଇଛନ୍ତି ଜଗତଜନନୀ ମାଆ ଦୁର୍ଗା । ଦଶହରାକୁ ନେଇ ସାରା କଳାହାଣ୍ଡି ଜିଲ୍ଲା ଉତ୍ସବ ମୁଖର ହୋଇ ଉଠିଲା । ଆଜି ମାଆଙ୍କୁ ମେଲାଣି ଦେଇଛନ୍ତି ସହରବାସୀ । ଭବାନୀପାଟଣା ସହରରେ ଛୋଟ ବଡ଼ ୧୦ଟି ପୂଜା କମିଟି ପକ୍ଷରୁ ଦୁର୍ଗା ପୂଜା ଆୟୋଜନ କରାଯାଇଥିବା ବେଳେ ୨ ଦିନ ଧରି ଭସାଣି ଉତ୍ସବ ଅନୁଷ୍ଠିତ ହେବ ।
ଶୁକ୍ରବାର ସହରର ପରଦେଶୀ ପଡା ପୂଜା କମିଟି, ନକଟିଗୁଡା ଦୁର୍ଗା ପୂଜା କମିଟି, ରେଳ ଷ୍ଟେସନ ଦୁର୍ଗା ପୂଜା କମିଟି ପକ୍ଷରୁ ମାଆଙ୍କ ବିସର୍ଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପୂଜା କମିଟି ପକ୍ଷରୁ ବାଜା ରୋଷଣୀ ସହ ବେଶ ନାଚଗୀତରେ ମାଆଙ୍କୁ ବିଦାୟ ଦିଆଯାଇଛି। ପୌର ପରିଷଦ ପକ୍ଷରୁ ମାଆଙ୍କ ଭସାଣି ପାଇଁ ସହରର ପୁରୁଣା ପଡା ପୋଖରୀ, ପୁରୁଷୋତ୍ତମ ସାଗର ଓ ଆଶା ସାଗରରେ ବ୍ୟବସ୍ଥା କରାଯାଇଥିବା ବେଳେ ଭସାଣି ସମୟରେ ଯେମିତି କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନ ହେବେ ସେନେଇ ପୋଲିସ ପ୍ରଶାସନ ପକ୍ଷରୁ ମଧ୍ୟ ସୁରକ୍ଷା ବ୍ୟବସ୍ଥାକୁ କରାଯାଇଥିଲା । ଆଜି ଅନ୍ୟ ସମସ୍ତ ପୂଜା କମିଟି ମାନଙ୍କ ପକ୍ଷରୁ ଭସାଣି ଅନୁଷ୍ଠିତ ହେବ।
ଇଟିଭି ଭାରତ, କଳାହାଣ୍ଡି
