କଳାହାଣ୍ଡି: ଥୁଆମୂଳ ରାମପୁର ବ୍ଲକ ଅନ୍ତର୍ଗତ ପିଣ୍ଡାପଦର ଗାଁ । ଏଠାରେ ବର୍ଷକ ୧୨ ମାସ ପାଣି ଚିନ୍ତା ଲାଗି ରହିଥାଏ । କାରଣ ଗାଁରେ ଅଛି ନା ନଳକୂପ ନା ପାଇପ୍ ପାଣିର ସୁବିଧା । କେବଳ ଗାଁ ମୁଣ୍ଡରେ ଥିବା ଏକମାତ୍ର ଭଙ୍ଗା ଦଦରା କୂଅ ଉପରେ ଭରସା କରନ୍ତି ,ଏହି ଗାଁର 7ଶହ ଗ୍ରାମବାସୀ । ଗାଧୋଇବା ଠାରୁ ଆରମ୍ଭ କରି ଖାଇବା ପିଇବା ପାଣି ପାଇଁ ଏହି କୂଅ ଉପରେ ସମସ୍ତେ ନିର୍ଭର କରିଥାନ୍ତି । ତେଣୁ ଗାଁ ଲୋକେ ବିଶୁଦ୍ଧ ପାଣି ଅଭାବରୁ ବର୍ଷ ତମାମ୍ ଜଳ ବାହିତ ରୋଗରେ ପୀଡିତ ହୋଇଥିବା ଅଭିଯୋଗ ଆଣିଛନ୍ତି ଗ୍ରାମବାସୀ ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି
ପାଖାପାଖି 7ଶହ ଜନସଂଖ୍ୟା ବିଶିଷ୍ଟ ଏ ଗାଁରେ ପୂର୍ବରୁ ଗୋଟିଏ ହିଁ ନଳକୂପ ଥିଲା । ଏବେ ଯାହାର ଚିହ୍ନବର୍ଣ୍ଣ ନାହିଁ । ତେବେ ଗାଁରେ ପାନୀୟଜଳର ବ୍ୟବସ୍ଥା ପାଇଁ ଗ୍ରାମବାସୀ ଦାବି କରି ଆସୁଥିଲେ ମଧ୍ୟ ଫଳ ଶୂନ୍ୟ । ସେପଟେ ଖୁବଶୀଘ୍ର ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେଇଛନ୍ତି ସ୍ଥାନୀୟ ବିଡିଓ ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
