ଭବାନୀପାଟଣା: ପାଖଉଛି ପୌର ନିର୍ବାଚନ ତାରିଖ । ଦିନ ଯେତିକି ପାଖଉଛି ପ୍ରଚାରକୁ ସେତିକି ଜୋରଦାର କରୁଛନ୍ତି ପ୍ରାର୍ଥୀ। ଚଳିତ ଥର କଳାହାଣ୍ଡିର ୧୨ ଟି ୱାର୍ଡ ବିଶିଷ୍ଟ କେସିଙ୍ଗା ଏନଏସିରେ ପୌର ନିର୍ବାଚନ ପାଇଁ ପଡିବ ଭୋଟ । ୧୪,୨୦୫ ଭୋଟର ଭୋଟ ଦେଇ ବାଛିବେ ନିଜ ମନ ପସନ୍ଦର ପ୍ରତିନିଧି । ଏନେଇ ପ୍ରଚାରରେ କମ୍ପୁଛି ପ୍ରଚାର ମୈଦାନ । କେସିଙ୍ଗା ଏନଏସିରେ ଅଧ୍ୟକ୍ଷ ପଦବୀ ପଦ ପାଇଁ ଭୋଟରଙ୍କୁ ନିଜ ଆଡକୁ ଆକୃଷ୍ଟ କରିବାରେ ଲାଗି ପଡିଛନ୍ତି ତିନି ପ୍ରମୁଖ ରାଜନୈତିକ ଦଳ।
ହାତରେ ଆଉମାତ୍ର କିଛି ଦିନ ଥିବାରୁ ବିଜେଡିର ପ୍ରଚାର ମଙ୍ଗ ଧରିଛନ୍ତି ବରିଷ୍ଠ ବିଜେଡି ନେତା ଭୁପିନ୍ଦର ସିଂ ଙ୍କ ଦଳର ନାରୀ ନେତ୍ରୀ ଓ ଯୁବ ସଦସ୍ୟ । ଆଦର୍ଶ କେସିଙ୍ଗା ନିର୍ମାଣ ପ୍ରତିଶ୍ରୁତି ନେଇ ନେତା ପ୍ରାର୍ଥୀଙ୍କ ପାଇଁ କରୁଛନ୍ତି ଭୋଟ ଭିକ୍ଷା। ସେପଟେ ବିଜେପି ଏନଏସି ଅଧ୍ୟକ୍ଷ ପ୍ରାର୍ଥୀ ସଚିନ ଜୈନ ମଧ୍ୟ ଘର ଘର ବୁଲି ଭୋଟ ଭିକ୍ଷା କରୁଛନ୍ତି । ୱାର୍ଡ ଗୁଡିକରେ ଲୋକଙ୍କୁ ଏକତ୍ରିତ କରି ସହରର ସମସ୍ୟା ନେଇ ଲୋକଙ୍କ ନିକଟରେ ଭୋଟ ଭିକ୍ଷା କରିଥିବା ଦେଖିବାକୁ ମିଳିଛି।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
