ଭବାନୀପାଟଣା:କଳାହାଣ୍ଡି ଜିଲ୍ଲାର 13ଗୋଟି ବ୍ଲକର 224ଜଣ କଳା ଓ କ୍ରୀଡା ଶିକ୍ଷକ ଓ ଶିକ୍ଷୟତ୍ରୀଙ୍କୁ ମିଳୁନାହିଁ ଦରମା । ଦୀର୍ଘ ସାତ ମାସ ହେବ ଦରମାରୁ ବଞ୍ଚିତ କଳା କ୍ରୀଡା ଶିକ୍ଷକ । ଏନେଇ କଳା ଓ କ୍ରୀଡା ସଂଘ ପକ୍ଷରୁ ଜିଲ୍ଲା ଶିକ୍ଷା ଅଧିକାରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।
ସାତମାସ ହେବ ଦରମାରୁ ବଞ୍ଚିତ 224ଜଣ କଳା ଓ କ୍ରୀଡା ଶିକ୍ଷକ
କୋରୋନା ସମୟଠାରୁ କ୍ବାରେଣ୍ଟାଇନ ଦାୟିତ୍ବ ସହ ଲୋକଙ୍କୁ ମହାମାରୀ ସମ୍ପର୍କରେ ସଚେତନ କରିବାରେ ନିଜର ଦାୟିତ୍ବ ତୁଲାଇଥିଲେ ଶିକ୍ଷକ ସଂଘ । ଦୀର୍ଘ ସାତମାସ ହେବ ସେମାନଙ୍କ ଦରମା ବନ୍ଦ କରିବା ପରେ ବି ସେମାନେ ନିଜର ଦାୟିତ୍ବ ସଠିକ ଭାବରେ ତୁଲାଇଛନ୍ତି । ହେଲେ ଏ ଯାଏଁ ସେମାନଙ୍କୁ ଦରମା ମିଳିନାହିଁ ।
ଏ ନେଇ ଆଜି ସଙ୍ଘ ପକ୍ଷରୁ ଜିଲ୍ଲା ଶିକ୍ଷା ଅଧିକାରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି । ଯଥା ଶୀଘ୍ର ଏହାର ସମାଧାନ ଦିଗରେ ଦୃଷ୍ଟି ଦିଆ ନଗଲେ ଆଗାମୀ ଦିନରେ କାର୍ଯ୍ୟବନ୍ଦ ଆନ୍ଦୋଳନ କରିବା ସହ ରାଜରାସ୍ତାକୁ ସଙ୍ଘ ଓହ୍ଲାଇବ ବୋଲି ଚେତାବନୀ ଦେଇଛନ୍ତି।
କଳାହାଣ୍ଡିରୁ ଅଜିତ କୁମାର ସିଂହ, ଇଟିଭି ଭାରତ
